گزشتہ سے پیوستہ۔۔۔
دائرے کے اندر کافی لوگوں کو دیکھ کر بدرے قصائی کے پیغام بر کا دل باغ باغ ہوگیا۔۔ دائرے سے باہر کھڑے لوگ شور مچاتے رہے اور لوگوں کو دائرے کے اندر جانے سے منع کرنے کی کوشش کرتے رہے، مگر وہ بدرے قصائی کے خوف کے ہاتھوں مجبور دائرے کے اندر پہنچ گئے۔ ۔ بدرے قصائی کا پیغامبرتھوڑی دیر انتظار کرتا رہا کہ شاید کوئی اور بھی دائرے کے اندر آجائے، مگر کوئی اپنی جگہ سے نہ ہلا۔ اس پر اس نے مزید دیر کرنا مناسب نہ سمجھا اور تھوڑی دور جاکر واپس آیا تو اس کے ہاتھ میں ایک تھیلا تھا۔ اس نے تھیلا زمین پر رکھا اور اس میں سے لوہے کے بنے ہوئے خول نکالنے لگا، خول انسانی سر کے سائز کے تھے اور ان پر تالے لگے ہوئے تھے۔ بدرے قصائی نے ایک خول ہاتھ میں پکڑا اور دائرے کے اندر کھڑے ہوئے لوگوں سے مخاطب ہوا۔۔
۔۔اے مطیع و فرنبردار لوگو۔۔ اب تمہیں باقاعدہ طور پر بدرے قصائی پر ایمان لانا ہے۔ اس کی پہلی شرط یہ ہے کہ تم سب کو اپنے سروں پر لگی ہوئی بتیاں بند کرنی ہوں گی، جس کے لئے میں یہ خول لایا ہوں۔ یہ لوہے کے خول آج کے بعد تم میں سے ہر ایک اپنے سر پر چڑھا لے گا، اس کو تالا لگا دیا جائے گا اور یہ تالا پھر کبھی نہیں کھلے گا۔۔ صرف یہی نہیں، تم میں سے جس کے گھر میں بھی کوئی بچہ پیدا ہوا، اس کے سر پر ایسا ہی خول چڑھا دیا جائے گا ۔۔
۔۔بدرے قصائی کے پیغامبر کی یہ بات سن کر دائرے کے اندر کھڑے لوگوں میں سنسنی پھیل گئی۔ ایک شخص ہمت کرکے بولا۔
۔۔اے رحمدل بدرے قصائی کے پیغامبر۔۔ یہ بتی ہمارا واحد سرمایہ ہے، یہ واحد چیز ہے جو ہمیں دیگر جانداروں سے ممتاز کرتی ہے، اسی بتی کی بدولت ہم انسانوں نے اس دنیا میں بڑے بڑے کارنامے سرانجام دیئے ہیں، ہم نے اس کی بدولت پیچیدہ ترین زبانیں تشکیل دیں اور ان کو پروان چڑھایا، اس کی بدولت ہم نے زمین کھود کر پانی نکالنا سیکھا، اسی کی بدولت ہم نے فصلیں اگانا سیکھا، ہم نے گھر بنانا اور مل جل کر رہنا سیکھا، ہم نے اس بتی کی مدد سے ہی اچھائی اور برائی میں پہچان سیکھی، غرضیکہ یہ بتی ہمارے لئے ایک رہنما کی حیثیت رکھتی ہے، اگر ہم اسی کو بجھا دیں گے، اس پر تالا لگا دیں گے تو ہمارے پاس باقی کیا رہ جائے گا۔۔۔
۔۔اس پر بدرے قصائی کا پیغامبر گرج کر بولا۔۔ اے بدرے قصائی کے غلامو۔۔ آج سے تم ایک بات سمجھ لو۔۔ آج کے بعد ہر معاملے میں تمہاری رہنمائی صرف اور صرف بدرا قصائی کرے گا، تمہیں کیا کرنا ہے اور کیا نہیں، یہ بدرا قصائی بتائے گا، اچھائی کیا ہے اور برائی کیا ہے، یہ بھی بدرا قصائی بتائےگا، تمہیں کس طرح زندگی گزارنی ہے، تمہیں کس قسم کے کپڑے پہننے ہیں، تمہارا حلیہ کیسا ہوگا، تمہارے چہرے پر داڑھی ہوگی یا مونچھ، کونسا جانور تمہارے لئے حلال ہے اور کونسا حرام، تم نے نہانا کیسےہے، استنجی کیسے کرنا ہے، اپنی بیویوں سے مباشرت کیسے کرنی ہے، یہ سب کچھ تمہیں بدرا قصائی بتائے گا اور آج کے بعد وہی تمہارا رہنما ہے۔ اسلئے تمہیں اس بتی کی کوئی ضرورت نہیں، یہ تمہیں گمراہ کرتی ہے۔لہذا ایک ایک کرکے تم میرے پاس آؤ اور اپنے سر پر یہ خول چڑھواؤ۔۔
۔۔بدرے قصائی کے پیغامبر کی آواز کی گھن گرج سے دائرے کے اندر کھڑے ہوئے لوگ چپ چپ آگے بڑھنے لگے اور ایک ایک کرکے سب نے اپنے سروں پر بدرے قصائی کے پیغامبر کے ہاتھوں خول چڑھوا کر تالا لگوا لیا۔ اب ان کے سروں پر جلنے والی بتی بجھ چکی تھی۔۔ وہ سوچنے سمجھنے کی صلاحیت سے بالکل محروم ہوچکے تھے۔۔ اس کے بعد بدرے قصائی نے ایک بار پھر انہیں مخاطب کیا۔۔
۔۔ اے دائرہ ایمان کے اندر داخل ہونے والے خوش نصیب لوگو۔۔۔ اب تم سب کو بدرے قصائی پر ایمان لانے کا اقرار کرنا ہے۔۔ جیسا جیسا میں بولتا جاؤں تم سب میرے پیچھے ویسے ہی بولتے جاؤ۔۔۔ یہ کہہ کر وہ تھوڑی دیر خاموش ہوا اور پھر بولا۔۔۔ میں اس بات کی گواہی دیتا ہوں کہ اس کائنات کا خالق و مالک صرف اور صرف بدرا قصائی ہے، وہ تمام عبادتوں کے لائق ہے، ہم صرف اسی کی عبادت کریں گے اور اسی کے سامنے سر جھکائیں گے، وہ نہایت رحم کرنے والا اور مہربان ہے۔
۔۔ بدرے قصائی کے پیغامبر نے یہ مختصر سا حلف تمام لوگوں سے لیا اور پھر خوشگوار انداز میں بولا۔۔ ۔۔ مبارک ہو، مبارک ہو۔۔۔ اے لوگو اب تم ایمان والے بن چکے ہو۔۔۔ بدرا قصائی تم سے خوش ہوا، وہ تم سے راضی ہوا۔۔ اب میں تمہیں بتاتا ہوں کہ اس کی عبادت کیسے کرنی ہے۔۔۔ یہ کہہ کر بدرے قصائی کا پیغامبر خاموش ہوا، دونوں آنکھیں بند کیں اور منہ ہی منہ میں کچھ پڑھنے لگا۔۔تھوڑی دیر یونہی پڑھتا رہا۔ پھر دائرے کے اندر کھڑے ہوئے لوگوں کی طرف متوجہ ہوکر بولا۔۔ اے ایمان والو۔۔۔ بدرا قصائی چاہتا ہے کہ تم دن میں پانچ بار ایک جگہ جمع ہوکر بلند آواز سے یہ کلمات دہراؤ۔۔۔ بدرا قصائی بہت عظیم ہے، بدرا قصائی بہت بڑا ہے، بدرا قصائی بہت عالیشان ہے، تمام تعریفوں کے لائق صرف اور صرف بدرا قصائی ہے۔۔ یہ کلمات دہرانے کے بعد تم نے بدرے قصائی کی عبادت کرنی ہے۔ وہ اس طرح کہ تم میں سے ہر ایک زمین پر لیٹ کر اپنی ٹانگیں اوپر اٹھا دے اور یہ کلمات دہرائے۔۔۔ بدرا قصائی تمام جہانوں کا پالنہار ہے، ہم صرف اور صرف بدرے قصائی سے ہر مدد مانگیں اور کسی کو بدرے قصائی کا شریک نہیں ٹھہرائیں گے، بدرا قصائی بے انتہا طاقتوں کا مالک ہے، بدرے قصائی کا ٹوکہ بے مثال ہے اور بدرے قصائی کے لمبے دانت خوبصورتی کا شاہکار ہیں۔۔ یہ کہہ کر تم نے ٹانگیں نیچے کردینی ہیں اور پھر ماتھا زمین پر رگڑ رگڑ کر کہنا ہے کہ۔۔۔۔ بدرے قصائی کا پیغامبر کافی دیر تک انہیں عبادت کا مخصوص طریقہ سمجھاتا رہا، پورے طریقے میں صرف بدرے قصائی کی تعریفیں ہی تعریفیں تھیں۔۔۔
۔۔عبادت کا طریقہ سمجھانے کے بعد بدرے قصائی کے پیغامبر نے انہیں حکم دیاکہ وہ سب کھڑے ہوجائیں۔۔ اے ایمان والو۔۔ بدرا قصائی اپنی تعریفوں سے سب سے زیادہ خوش ہوتا ہے، اس میں اپنی تعریفیں سننے اور اپنی عبادت کروانے کی اس قدر بھوک ہے کہ وہ چاہتا ہے کہ دنیا کی تمام مخلوقات ہر وقت اس کی تعریفیں کرتی رہیں اور اس کی عبادت کے لئے الٹی سیدھی ہوتی رہیں۔۔ اے ایمان والو۔۔ تم جتنی بدرے قصائی کی تعریفیں کرو گے، جتنی اس کی عبادت کرو گے، وہ اتنا ہی خوش ہوگا۔۔ اور اگر تم نے اسکی تعریفیں اور عبادت کرنے میں غفلت یا کاہلی کی تو پھر وہ تمہیں اپنے ٹوکے سے کاٹ ڈالے گا اور تمہارا خون پی جائے گا اور تمہاری کھال اتار کر اپنے جوتے تیار کروا لے گا۔۔۔آج کے لئے اتنا ہی کافی ہے، میں آج جارہا ہوں، کل واپس آکر تمہیں بتاؤں گا کہ اور کیا کیا کرنا ہے۔۔ ہاں ایک بات دھیان سے سن لو۔۔ آج سے تم پاک لوگ ہو، ایمان والے ہو، بدرے قصائی کے ماننے والے ہو، تو تم ان پلید لوگوں کے ساتھ نہیں رہ سکتے (بدرے قصائی کے پیغامبر نے نفرت سے دائرے کے باہر کھڑے ہوئے لوگوں کی طرف اشارہ کرتے ہوئے کہا)، یہ سب کافر ہیں، تمہیں ان سے الگ رہنا ہوگا، اب تم لوگ جاسکتے ہو۔۔
۔۔بدرے قصائی کے پیغامبر کا یہ حکم سن کر دائرے کے اندر کھڑے لوگ جن کے سروں پر خول چڑھ چکے تھے، دانش کی بتی بجھ چکی تھی، وہ سرجھکائے پالتو بھیڑوں کی طرح اس کے حکم کی تعمیل میں چل پڑے جبکہ دائرے سے باہر کھڑے لوگ دانتوں میں انگلیاں دبائے ان کی بدلتی جون پر حیران و پریشان ہورہے تھے۔۔ بدرے قصائی کے پیغامبر نے اپنی کاروائی سے مطمئن ہوکراپنا تھیلا اٹھایا اور ذہن میں اگلے دن کا پلان تشکیل دیتے ہوئے تیز تیز قدموں سے وہاں سے چل دیا۔۔۔
۔۔(جاری ہے)۔۔
کک باکسر 
BlackSheep (52)
کک باکسر (17)
Ghost Protocol (5)
Atif Qazi (4)
حسن داور (3)
عامر بھیا کی پارٹی اقتدار میں پہنچ گئی ہے، اب ان پر سواری کرنا چھوڑ دیں 
اجنبی بہت ہی جانے پہچانے سے لگتے ہو
۔۔
