خون ،خوراک اور اب پیٹرول تک کو پی جانے کی ہوس
پاکستان نامی قید خانہ ; جس میں یہ ہجوم قید ہو کر اپنی عقل دانش سے محروم ہو بیٹھا ہے روزانہ کسی نہ کسی چوراہے ،گلی اور شہر میں دوسروں کے خون سے پیاس بھجاتا ہے اور جس دن کوئی خون پینے والا دستیاب نہ ہو اس دن اپنی ہوس کی آگ میں جل کر خود ہی راکھ ہو جاتا ہے
المیہ احمد پور شرقیہ ؛ بلاشبہ انسانی ہوس کی دلخراش داستان ہے جو خون سے تحریر کی گئی
لیکن وزیر اعظم نواز شریف کا ”لالچ بری بلا ہے” کا بنیادی سبق یاد نہ رکھنے والوں اور پھر اپنی ”ازلی ہوس” کی بدولت موت کے منہ جانے والوں کی تعزیت اور بچ جانے والوں کی دل جوئی کے لئے احمد پور شرقیہ روانہ ہونا اور پچھلے ٥ روز سے فرقہ واریت اور تکفیری سوچ کی بدولت مقتل میں ذبح ہوۓ پاکستانیوں کے غموں کا مداوا کرنے کی ہلکی سی سعی بھی نہ کرنا ،کیا اشارہ کرتا ہے ؟
کیا اب یہ سمجھ لیا جائے کہ ریاست الباکستان صرف ایک مخصوص سوچ رکھنے والوں کے ایجنڈے کا پرچار اور نفاذ کرنے والوں کے ساتھ کندھا ملا کر کھڑی ہے؟
کیا اس ملک الباکستان نامی قید خانے میں پچھلے ٧٠ سالوں سے غداروں کی طویل ہوتی لسٹ میں ”علی” کا نام لینے والوں کو بھی شامل کر لیا گیا ہے ،کیا اب انھیں ”یاعلی” کہنے کی سزا نا صرف تکفیری دہشت گردوں کی طرف سے عنایت ہو گی بلکہ ریاستی ادارے بھی ان پر ظلم ستم کا بازار گرم کریں گے اور اپنے عقائد کے مطابق زندگی بسر کرنے کی قیمت ریاستی اداروں کو اپنے لہو سے ادا کرنی ہو گی
ریاست تو ماں کی طرح ہوتی ہے جو بھولے بسروں کو اپنی آغوش میں سمیٹ لیتی ہے وہ اپنی اولاد کے درمیان فرق روا رکھنے کا تصور نہیں کر سکتی ،تو یہ کیسی دھرتی ماں ہے جو نہتوں پر گولیاں چلتے دیکھ کر بھی آنکھوں موندے بیٹھی ہے جس کی آنکھوں سے یہ قتل ناحق دیکھ کر خون ٹپکنا چاہئیے تھا وہ خشک کیوں ہیں ؟
اسکے ہونٹوں کو کس نے سی دیا ہے ،کیا اب اس پاکستانی زندان میں اپنے لبوں پر قفل اور سوچوں کو منجمد کر کے جینا ہی ہمارا مقدر ٹھہرا ;کیا اس ملک میں اب سچ بولنے ،اپنے حق کے لئے آواز اٹھانے اور سوال کرنے کا جواب گولی سے دیا جائے گا کیا اب حبل وطنی کا سرٹیفکیٹ حاصل کرنے کو ریاستی دہشتگردوں کے سامنے جھکنا ہو گا
آخر یہ ریاستی دہشت گردی بلوچستان والوں کا مقدر کیوں ؟ ہزارہ کے پرامن لوگوں کو ذبح کرنے کا مقصد کیا ہے ، کیا پارہ چنار والوں کا قصور صرف پاکستانی ہونا ٹھہرا تاریخ کو انسانیت کے ساتھ انصاف کرنے کے لیے کٹہرے میں آنا پڑے گا اور اسے بتانا پڑے گا کے انہوں نے کس جرم کی سزا پائی ہے
قوم کو اپنے آئینی حقوق کے لئے انکے خلاف اٹھنا ہو گا تب ہی یہ ظلم ستم کاروبار بند ہوں گے ورنہ قتال فی سبیل الله جاری رہے گاجو بھی آواز نکالے گا شیعہ ,سنی کی تفریق کے بغیر مار دیا جاوے گا انکو پیسوں سے دلچسپی ہے پیسے دو اور قتال کروا لو
مجھے یہ تسلیم کرنے میں کوئی عار نہیں کے وزیر اعظم پاکستان پاک فوج کی ریشہ دوانیوں کی وجہ سے یرغمال ہیں،لیکن اس ریاستی دہشتگردی اس ادارتی سفاکیت کے خلاف کسی کو تو کھڑا ہونا ہو گا ،کیا عوام پاکستان نے انھیں ووٹ دے کر اپنی قسمت اور جان مال کی حفاظت کا ذمہ عطا نہیں کر دیا ،وزیر اعظم پاکستان کی مجبوریاں اپنی جگہ ہوں گی لیکن آئین پاکستان تمام شہریوں کو کسی تفریق کے بغیر مکمل مذہبی آزادی اور انکی حفاظت کی غیر مشروط ذمہ داری لیتا ہے ،آرٹیکل ٦ صرف جج اور جرنیل کے لئے وجود میں نہیں آیا اسکا اطلاق وزیر اعظم اور سیاستدان پر بھی ہو سکتا ہے اگر وہ اپنی بنیادی ذمہ داریاں جن میں عوام کے جان و مال کی حفاظت سے کوتاہی برتتا ہے یا انکے درمیان کسی قسم کا فرق روا رکھتا ہے
اک طرف وہ کہ طلب سانس کا تاوان کریںاک طرف یہ کہ جو دشمن شکستیں مانیں
اِک طرف وہ کہ ہیں پروردہء خوف و دہشتاک طرف یہ ہیں خود سانپوں کو گھر میں پالیں
اک طرف لشکری ہر روز نئے وار کے ساتھاک طرف عسکری چلتے ہوئے ہتھیار کے ساتھ
کوئی سورج یہاں نکلے بھی تو کیسے نکلےوحشتیں جڑ گئیں ہر کوچہ و بازار کے ساتھ
اب کوئی راہ نکلتی ہے تو مقتل کی طرفاب کوئی شام ابھرتی ہے تو وحشت والی
میرے لوگو! اے مِرے درد گزارے لوگوسانحہ وار کسی خوف کے مارے لوگو
اب نیا ورد یہی ہے کہ تمہیں اٹھنا ہےآیتِ صبح فروزاں کے کنارے لوگو
روشنی کے لیے درکار ہیں گلیوں کو دیےاور دیے وہ جنہیں خوں سے بھی نکھارا جائے
خوف ہے خامشی اور خوف کا رد آوازیںاب جو چپ ہیں انہیں قاتل ہی پکارا جائے
ریاست کو جواب دینا ہو گا
Share
Email
.
