: ملک کے عوامی سربراہ کو مندرجہ ذیل اندرونی اور بیرونی فریقین کے سامنا ہوتا ہے
:اندرونی
١) وہ عوام جس کی حمایت اور تائید سے سربراہ اقتدار حاصل کرتا/ کرتی ہیںان عوام سے وعدے کئے ہوتے ہے، ان عوام کی امنگیں ہوتی ہیں، ان عوام کی نظریاتی وابستگی ہوتی ہے. اگر سربراہ وعدے اور امنگیں پورے نہ کرےاور نظریاتی طور پر دور ہو جاۓ تو اس عوامی طبقے کی حمایت کھو سکتا / سکتی ہے
٢) وہ عوام جنکی تائید حاصل نہیں ہوتیعوام کا وہ طبقہ جو سربراہ سے نظریاتی یا سیاسی یا کسی اور وجہ سے مخالف ہوتا ہے وہ بھی اسی ملک کے شہری ہیں اور بطور سربراہ اس طبقے کی خدمت کرنا بھی لازم ہے. یہ طبقہ ممکنہ حمایت یافتہ طبقہ بھی بن سکتا ہے اگر سربراہ انکو اپنے طرز حکومت اور کارکردگی سے متاثر کر سکے
٣) اپنی جماعت کے منتخب اور غیر منتخب اراکیناپنی جماعت کے اراکین کی حمایت اشد ضروری ہے. یہ اراکین ملک کے طول اور عرض میں جماعت اور سربراہ کی نماندگی کرتے ہیں. اس طبقے کو اپنے حلقے کےعوام کی امنگیں اور ضروریات کو مد نظر رکھنا ہوتا ہے. اگر یہ عوام کی حمایت کھو دیں تو سربراہ یا جماعت اقتدار کھو سکتی ہے . ان اراکین کی اپنی امنگیں بھی ہوتی ہیں.
٤) حزب مخالفحزب مخالی ہمیشہ حکومتی جماعت کی مخالفت کی سیاست اپناتی ہے اور یہی وجہ ہے کے وہ حزب مخالف کہلاتی ہے. حکمران سربراہ کو اس کی مخالفت سہنی پڑتی ہے مگر ساتھ ساتھ ان سے ایسے تعلقات استوار کرنے پڑتے ہیں جو ملک کو درپیش سنگین حالات یا ملک میں ضروری قانونن سازی کے لئے اس حزب مخالف کی حمایت حاصل کرنے میں سازگار ثابت ہوسکیں
٥) ملکی ادارے جن میں عدلیہ، عسکری ادارے، سول سروس شامل ہےکسی بھی ملک کی ترقی، خوشحالی، سلامتی اور سازگار ماحول کے لئے ہر ادارے کا اپنی اہلیت اور دائرے میں کاپم کرنا ضروری ہے. بحثیت سربراہ کےان اداروں کو اپنے دائرے میں رکھنا، بوقت ضرورت انکو فیصلہ سازی میں شامل کرنا، انکو آزادی سے مگر اپنے دائرے میں کام کرنے دینےکے لئے سربراہ کو اہم کردار ادا کرنا پڑتا ہے
بیرونی آجکل کے دور میں کوئی ملک دنیا سے کٹ کر نہیں رہ سکتا. دنیا کے ہر دم بدلتے سیاسی، جگریفائی ، نظریاتی، اقتصادی حالات میں حکومتی سربراہ کو ہمیشہ چاک اور چوبند رہنا پڑتا ہے
١) حلیفسیاسی، اقتصادی، نظریاتی اہداف حاصل کرنا کے لئے ہر ملک کو حلیفوں کی ضرورت پیش آتی ہے . اسکے ساتھ ملک کی سلامتی کے لئے حلیفوں کے ساتھ اچھے تعلقات اور ہم آہنگی ہونا ضروری ہیں . ملکی سربراہ کے لئے اشد ہے کے وہ حلیف ملکوں کے ساتھ تعلقات اور روابط برقرار رکھے اور انکی بدستور حمایت کو ممکن بنا رکھے
٢) حریفایسا ممکن نہیں کے کسی ملک کے سیاسی، جگریفائی، نظریاتی اور اقتصادی حالات اور اہداف دنیا کے تمام ملکوں سے ہم آہنگ ہوں. جہاں ایک بھی عنصر ہم آہنگ نہ ہو وہاں ممکن ہے کی حریف ممالک کی مخالفت سہنی پڑے . ایک سربراہ کو اپنے حریفوں کو بھی انکے اپنے دائرے میں رکھنا ضروری ہے. ان حریف ممالک کی مخالفت اور سازشوں سے مقابلہ کرنا اور انکو انکی مخالفت اور سازشوں میں شکست دینا ملکی سلامتی اور ترقی کے لئے بہت اہم ہے
٣) غیر جانبداردنیا کے کئی ممالک اپنے اپنے حالات اور ترجیحات کی بنا پر حلیف یا حریف نہیں بننا چاہتے ہیں اور غیر جانبدار رہتے ہیں. بوقت ضرورت ان غیر جانبدارانہ ممالک کی حمایت اہم ثابت ہو سکتی ہے. ایسے تمام ممالک کے ساتھ روابط رکھنا اور انکو حلیف پلڑے میں جانے سے روکنا ایک سربراہ کی ترجیحات میں شامل ہے
اگر اندرونی اور بیرونی طور پر تمام فریقین کا سامنا کرنا ، حمایتیوں اور حلیفوں کی حمایت حاصل کرے رکھنا، مخالفین اور حریفوں کو دور رکھنا ، ملکی اداروں کو منظم رکھنا ضروری ہیں تو ملک کے سربراہ میں کچھ صلاحیتیں ہونا ضروری ہے. بغیر صلاحیتوں یا بغیر ایسی شخصیت کے جو ان تمام فریقین جنکے اہداف مختلف مختلف ہیں ،کو قابو میں رکھ سکھے، ممکن نہیں
صلاحیتیں
میری نظر میں کسی بھی رہنما کے لئے بہت میں سے چند ایک صلاحیتیں ضروری ہیں
١) عوام کو ہمیشہ پرامید رکھنا . ملک اور عوام کے فلاح ، بہبود اور ترقی کی جانب رواں دواں رہنا٢) مشکل حالات میں عوام کو بھروسہ دلانا کے ملکی سربراہ مشکل حالات سے ملک اور عوام کو نکل سکتا ہے٣) اپنے حمایتی، حلیف کا اعتبار حاصل کرنا اور قائم رکھنا .٤) حزب مخالف سے مخالفت کے باوجود، اہم ملکی امورر پر انکی حمایت حاصل رکھنا٥) اپنے کردار اور اپنے عمل میں اصولوں کی پاسداری کرنا٦) ملکی اہداف کو تمام ذاتی، سیاسی اہداف سے بالا رکھنا٧) اپنے قول پر عمل کرنا. اپنے وعدے پورے کرنے کی بھرپور کوشش کرنا٨) جہاں مزاکرات کی ضرورت وہاں مزاکرات کرنا، جہاں مزاحمت ضروری وہاں مزاحمت کرنا، جہاں سب کو ساتھ لیکر چلنا اشد، وہاں سب کو ساتھ ملانے اور لیکر چلنے کی صلاحیت٩) ملکی امورچلانے میں قابل لوگوں کو شامل کرنا١٠) عوام کے ساتھ رابطے میں رہنا . انکو آگاہ کرتے رہنا ، انکی سوچ اور ترجیحات سے مستقل آگاہ رہنا١١) جمہوریت کی بالادستی پر یقین رکھنا اور اپنے عمل سے اسکی ترویج کرنا١٢) حلیفوں کے ساتھ رابطے میں رہنا١٤) دنیا کی سطح پر اپنے ملک کا بیانیہ احسن طریقے سے پہنچانا
یہ ایک نہایت عامیانہ اور بہت سطحی سی کوشش ہے. یقیناً پڑھے لکھے، عالم فاضل اور غیر سطحی سوچ رکھنے والے معتبر اور معزز خواتین اور حضرات اس معمولی سوچ میں جہاں انگنت خامیاں نکال سکتے ہیں اور مجھے بہت خوشی ہو گی اگر ایسا کریں وہاں اس میں اپنی بہترین اہلیت سے گرانقدر بہتری بھی لا سکتے ہیں
مختصر بات یہ ہے کے اگر کسی کی رہنما کی حمایت کرنی ہے تو سوچ کر کریں اور اگر کسی کی مخالفت کرنی ہے تو بھی سوچ کر کریں
Share
Email
.
