عاطف بھائی جو ہو رہا ہے اس کے بھد نون لیگ نے اپنے آنے کے آگے کے امکانات کو مزید کم کر دیا ہے – فوج سے اتنی بڑی لڑائی لے کر آپ اقتدار میں نہیں آ سکتے بھلے اس کے لئے فوج کو کچھ کرنا پڑے – اگرچے اس بات کے امکان ہیں کہ باجوہ رجیم کے بھد آنے والی فوجی قیادت مختلف سوچے اور فوج کو سیاست سے الگ کرنے کا فیصلہ کرے – اگر ایسا ہوا بھی تو سب راستے شہباز شریف کی چوکھٹ سے نکلیں گے ورنہ نون مائنس شریف خاندان کی آپشن آزمائی جا سکتی ہے – تحریک انصاف کو کسی صورت دوبارہ نہ لایا جائیگا اور نہ لایا جا سکے گا – فوج عمران خان کی شکل میں ایک اور نواز شریف تیار نہیں ہونے دے گی اور نا عوام اب خان کی باتوں میں آئیں گے – نواز کی تحریک سے یہ ضرور ہوا ہے کہ فوج بہت گندی ہو گئی ہے اور آج ہر کوئی کھل کر فوج پر تنقید کر رہا ہے حکومت پر تنقید تو پہلے ہی سے ہر خاص و عام کا مشخلہ تھی – تاریخ کہتی ہے جب فوج بہت گندی ہو جائے تب بھی الیکشن میں مداخلت سے باز رہتی ہے – پہلے ملک دو ٹکرے کیا تو بھٹو کو آزادی ملی – پھر ضیاء کے دور میں عوام تنگ بھی تھی اور بڑے جنریل بسشمول آرمی چیف ہوا میں پھٹ چکے تھے تو پہلے بے نظیر کو اور پھر نواز کو کافی حد تک چھوٹ ملی اگرچے انیس سو نوے کا الیکشن سو فیصد فوجی مداخلت سے بھرپور تھا – مشرف کے گند کے بھد دو ہزار آٹھ میں پیپلز پارٹی اور دو ہزار تیرہ میں نون لیگ فوجی مداخلت سے محفوظ رہے – نواز دور میں نواز نے فوج سے اختلافات اتنے بڑھا لئے کہ فوج کے پاس خان کے سوا کوئی آپشن ہی نہ بچی – ابھی اگلی الیکشن میں تین سال پڑے ہیں تب تک شہباز گروپ فوج سے نون کی مائنس نواز ڈیل کرا سکتا ہے لیکن فلحال حکومت کے جانے کے کوئی امکان نہیں ہیں – نواز کی سیاست نے ایک بار پھر فوج کی مجبوری بنا دی ہے کہ فلحال خان کو جپھی مزید مظبوط کر دے – سول بالادستی کے لئے بحرحال جتنی پیش رفت اب ہو رہی ہے پہلے کبھی نہیں ہوئی –
اعوان بھائ عاطف کی پوسٹ پر آپ کا تجزیہ پڑھا ۔ پاکستان کی تاریخ کے اورق الٹا کر دیکھ لیں ، فوجی جوتوں میں پکنے اور بٹنے والی کھیر کے تمام سیاستدان وقتا” فوقتا” مزے اڑا چکے ہیں ۔ کسی بھی سیاسی پارٹی پر نظر دوڑائیں ، آپ کو فوجی خچر سر جھکائے کام کرتے دیکھائ دیں گے ۔ آج کونسی پارٹی دعوہ کرسکتی ہے کہ وہ فوجیوں کی دی ہوئ مراعات سے پرہیز کرتی رہی ہے ۔ اس ملک کی سیاست میں فوج اور سیاستداں لازم و ملزوم ہیں ۔ سوچنے کی بات یہ ہے کہ ان فوجیوں کو اتنی اسپیس دی کس نے ہے ۔ پاکستانی فوجی جرنیلوں کی مثال عربی کے اونٹ کی مانند ہے جو معمولی سی جگہ ملنے کے بعد اپنا راستہ خود بنا لیتا ہے ۔ فوج نے اس ملک میں کئ ایسے مضبوط کام کر رکھے ہیں کہ ان کی سیاست میں جڑیں کاٹنا تقریبا” ناممکن ہے ۔ ہر سیاسی پارٹی میں ان کے بے شمار مولز گھسے بیٹھے ہیں اور پاکستانی عدلیہ کو انہوں نے ان کےخصوں سے پکڑ رکھا ہے۔ نوکر شاہی میں ان کے ایجنٹ بیٹھے ہوئے ہیں ، صحافیوں کی ایک بڑی تعداد ان کے پے رول پر ہے جس میں کامران خان، عمران ، شاکر، غلام حسین ، ارشد شریف اور کئ اور بدنام زمانہ صحافی شامل ہیں اور ابھی حالیہ آئ ایس پی آر کی یو ٹیوبر کی تازہ کھپت تیار ہوکر میدان میں آچکی ہے ۔
سب سے زیادہ زیادتی جو اس قوم سے ہوئ ہے کہ فوج کے معاملات کو دستوری تحفظ کی فراہمی دی گئ ہے ، جس کا فوج کے ہر جرنل نے ناجائز فائدہ اٹھایا ہے ۔ دستوری تحفظ کی ضمانت صرف قومی سلامتی کے معاملات کو ملنی چاہیے نہ کہ فوجی بدمعاشوں کے بدکردار اور بدعنوان جنرلز کو ۔ سقوط ڈھاکہ جیسا عظیم سانحہ گزر گیا لیکن مجال ہے کہ کسی ایک فوجی جرنل کی طرف قانونی انگلی بھی اٹھائ گئ ہو حالانکہ اس وقت یحیا پاکستان کا صدر بنا بیٹھا تھا اور پورا مشرقی پاکستان آپریشن فوج کی کمان میں سر انجام پایا تھا ۔
جھے حیرت ہوتی ہے جب فوجی پٹھو نواز شریف کو بے وفائ اور پیٹھ میں چھرا گھونپنے کا ذمہ دار قرار دیتے ہیں جبکہ ساری دنیا کو معلوم ہے کہ سب سے بڑے مکار ، دغا باز یہ فوجی آمر رہے ہیں ، بھٹو نے گاندھی سے معائدہ کرکے 93 ہزار سپاہیوں ، افسروں کو بھارتی قید سے نہ صرف چھڑوایا بلکہ بھارت کو ان پر جنگی جرائم پرمقامی اور بین الاقوامی مقدمے بنانے سے بھی محفوظ کیا،بھٹو نے واہگہ پرخود جاکر انہیں وصول کیا ، ان کا مورال بڑھایا اور ان کی نہ صرف حوصلہ افزائ کی بلکہ انکی پہلے سے بہتر تشکیل نو کی ۔ اور جوابا” اس کے ساتھ کیا سلوک کیا گیا ؟ یہ تو ریٹائرڈ جسٹس کے اپنے الفاظ ہیں کہ بھٹو کا عدالتی قتل فوج کے جرنلوں کے دباؤ ڈالنے پر کیا گیا تھا ۔
آپ نے ذکر کیا ہے کہ جب یہ گندے ہو جاتے ہیں تو پھر کنارہ کشی اختیار کرتے ہیں ، جبکہ میرا مشاہدہ یہ ہے کہ جب یہ گندے ہو جاتے ہیں تو پھر اپنی حکمت عملی بدل دیتے ہیں ۔ آج تک اس قوم پر کتنے سانحے گزرے ہیں جب ہماری سرحدوں کو عبور کرکے ایک شہر میں شہریوں کو قتل کیا گیا اور حملہ آور 8 گھنٹے کی کاروائ کے بعد صحیح سلامت واپس اپنے اڈوں پر پہنچ گئے۔ لمبی چوڑی انکوائری ہوئ اور ایک بندے کو سزا نہ دی گئ اور نہ ہی کسی بے شرم نے استعفا دیا ۔
یہ ایک منظم مافیا ہے جس نے قوم کے دیے ہوئے ان وسائل کو جو ملک کی حفاظت کے لیے استعمال کرنے تھے ، اپنی خواہشات کے مطابق ملک کی اندرونی سیاست میں استعمال کیا اور بجائے ملک کو مضبوط بنانے کے اپنےذاتی منصوبوں کو مضبوط بنایا ۔ ہمارے بے حس سیاستدان بھی قوم کی لاش پر ان گدھوں کی طرح چھپتٹے رہے ،جسے شکاری شکار کرکے چھوڑ جاتا ہے ۔
رہے نام اللہ کا جو مالک بھی ہے رازق بھی ۔
Who is ruling Pakistan
Share
Email. This post has been viewed 955 times
۔
