Share
Email- This topic has 12 replies, 6 voices, and was last updated 2 years ago by
. This post has been viewed 613 times
-
Source
کورونا وائرس سے شدید بیمار مریضوں کی زندگی ایک سستی اور وسیع پیمانے پر دستیاب دوا سے بچائی جا سکتی ہے۔
برطانیہ میں ماہرین کا کہنا ہے کہ اس مہلک وائرس کے خلاف جنگ میں کم مقدار والی سٹیرائڈز دوا ڈیکسامیتھازون سے کامیاب علاج ایک ’زبردست پیش رفت‘ ہے۔
یہ دوا عالمی پیمانے پر جاری علاج کی اس بڑی آزمائش کا حصہ ہے جس کا مقصد یہ دیکھنا ہے کہ آیا مروجہ ادویات میں سے کورونا وائرس کے خلاف کوئی کارگر دوا ہے۔
اس دوا کے استعمال سے ان میں مریضوں کے اندر اموات کی شرح ایک تہائی کم ہوئی ہے جو مصنوعی تنفس یعنی وینٹیلیٹر پر تھے۔ اور جو مریض آکسیجن پر تھے ان کی اموات میں پانچواں حصہ کمی واقع ہوئی۔
محققین کا کہنا ہے کہ اگر برطانیہ میں وبا کے آغاز کے ساتھ ہی یہ دوا مریضوں کو دی جاتی تو پانچ ہزار کے لگ بھگ زندگیاں بچائی جا سکتی تھیں۔
اور غریب ملکوں میں جہاں کووڈ 19 کے مریضوں کی بڑی تعداد ہے وہاں اس سے بہت زیادہ فائدہ ہو سکتا ہے۔
کورونا وائرس کا شکار تقریباً 20 میں سے 19 افراد اس دوا کے استعمال سے بغیر ہسپتال جائے ٹھیک ہوئے۔ اور جو ہسپتال میں داخل کیے گئے ان میں سے بھی اکثریت شفایاب ہوئی، البتہ کچھ کو آکسیجن یا مصنوعی تنفس کی ضرورت پیش آئی۔ یہ وہ مریض ہیں جن کی حالت نازک تھی مگر ڈیکسامیتھازون کے استعمال سے انھیں فائدہ ہوا۔
یہ دوا کئی عوارض میں سوزش کم کرنے کے لیے پہلے ہی تجویز کی جاتی ہے، اور لگتا ہے کہ یہ دوا کورونا وائرس لگنے کے بعد جسم کے حد سے زیادہ فعال دفاعی نظام سے ہونے والے نقصان کو بھی کم کرتی ہے اور وائرس کا خاتمہ کرتی ہے۔
جسم کا حد سے زیادہ ردعمل سائٹوکائن کہلاتا ہے اور ہلاکت خیز ہو سکتا ہے۔
آکسفورڈ یونیورسٹی کی ایک ٹیم کی نگرانی میں ہونے والی اس آزمائش کے دوران ہسپتال میں داخل کووِڈ19 کے دو ہزار مریضوں کو ڈیکسامیتھازون دی گئی اور پھر ان کا مقابلہ چار ہزار ایسے مریضوں سے کیا گیا جنھیں یہ دوا نہیں دی گئی۔
وینٹیلیٹرز پر رکھے گئے مریضوں کے موت کے خطرے میں 40 سے 25 فیصد کمی آئی۔ جن مریضوں کو آکسیجن کی ضرورت تھی ان میں موت کے خطرے میں 25 سے 20 فیصد کمی آئی۔
محققین کے سربراہ، پروفیسر پیٹر ہوربی کا کہنا ہے ‘اب تک صرف یہ ہی ایک دوا ہے جس نے ہلاکت کی شرح کو کم کیا ہے، اور خاصی حد تک کم کیا ہے۔ یہ بہت بڑی پیش رفت ہے۔’
ایک اور محقق پروفیسر مارٹن لینڈرے کہتے ہیں کہ جن مریضوں کو مصنوعی تنفس کی ضرورت ہوتی ہے ان میں آٹھ میں سے ایک مریض کی جان اس دوا سے بچ سکتی ہے۔
اسی طرح جو مریض آکسیجن پر ہیں ان میں 20 سے 25 مریضوں میں سے کم سے کم ایک مریض کی جان بچائی جا سکتی ہے۔
وہ کہتے ہیں کہ ‘اس کا فائدہ بہت واضح ہے۔ اور 10 روز تک ڈیکسامیتھازون سے علاج پر فی مریض پانچ پاؤنڈ (تقریباً 6 ڈالر) خرچ آتا ہے۔ جس کا مطلب ہوا کہ زندگی بچانے کے لیے 35 پاؤنڈ اور یہ دوا دنیا بھر میں دستیاب ہے۔’
پروفیسر لینڈرے کا کہنا ہے کہ اگر مناسب ہو تو ہسپتالوں میں مریضوں کو یہ دوا دی جا سکتی ہے، تاہم لوگوں کو خود سے یہ دوا گھروں میں نہیں کھانی چاہیے۔
ڈیکسامیتھازون ان لوگوں کے لیے فائدہ مند نہیں جن میں کورونا وائرس کی علامات شدید نہیں ہیں اور انھیں سانس کی تکلیف بھی نہیں۔
ریکوری ٹرائل نامی یہ آزمائش مارچ کے مہینے سے جاری ہے۔ اس آزمائش میں ملیریا کی دوا ہائڈروکسی کلوروکوین بھی شامل تھی جسے بعد میں ان خدشات کے پیشِ نطر بند کر دیا گیا کہ یہ دل کے عوارض اور ہلاکتوں میں اضافے کا باعث ہے۔
ایک دوسری اینٹی وائرل دوا ریمڈسیور جو کورونا وائرس سے جلد شفایابی میں مددگار ثابت ہوتی ہے پہلے ہی برطانیہ کی نیشنل ہیلتھ سروس یا این ایچ ایس پر علاج کے لیے دستیاب ہے۔
بی بی سی کے صحت کے نامہ نگار فرگس والش کے مطابق ڈیکسامیتھازون سنہ 1960 سے دمے اور جوڑوں کے درد سمیت مختلف عوارض کے لیے استعمال کی جا رہی ہے۔ کووڈ 19 میں مبتلا آدھے سے زیادہ مریض ہلاک ہو جاتے ہیں اس لیے ہلاکتوں کی شرح میں ایک تہائی کی کمی اہم کامیابی ہے۔
شدید بیمار افراد کو یہ دوا رگ کے ٹیکے کے ذریعے دی جاتی ہے جبکہ کم شدید مریضوں کو گولیوں کی شکل میں۔
انگلینڈ کے پاس اس دوای کا سٹاک پڑا پڑا ایکسپائر ہونے والا تھا اب ایکسپائر شدہ بھی دساں دا سیر بک جاے گا
- thumb_up 1
- thumb_up Bawa liked this post
انگلینڈ کے پاس اس دوای کا سٹاک پڑا پڑا ایکسپائر ہونے والا تھا اب ایکسپائر شدہ بھی دساں دا سیر بک جاے گامیں نے کل ڈان نیوز کے پروگرام ذرا ہٹ کے میں ڈاکٹر فہیم یونس کو سنا تھا۔ وہ بتا رہا تھا کہ یہ کوئی نئی دریافت نہیں ہے، ماضی میں بھی استعمال کی جا چکی ہیں۔ اس کے نقصانات بھی ہیں اور فوائد بھی لیکن اس کا فیصلہ ایک ڈاکٹر ہی کر سکتا ہے کہ کرونا کے کن مریضوں کے لئے یہ فائدہ مند ہے؟
ویڈیو سترہ منٹ پر دیکھیں
- local_florist 2
- local_florist GeoG, Believer12 thanked this post
- local_florist 1 thumb_up 1
- local_florist Believer12 thanked this post
- thumb_up Bawa liked this post
- thumb_up 1
- thumb_up Bawa liked this post
You must be logged in to reply to this topic.