Home Forums Siasi Discussion ڈسپلن کی خلاف ورزی پر عظمیٰ کاردار کی تحریک انصاف سے چھٹی

Viewing 1 post (of 1 total)
  • Author
    Posts
  • #1
    حسن داور
    Participant
    Offline
    Thread Starter
    • Expert
    • Threads: 4308
    • Posts: 2845
    • Total Posts: 7153
    • Join Date:
      8 Nov, 2016

    Re: ڈسپلن کی خلاف ورزی پر عظمیٰ کاردار کی تحریک انصاف سے چھٹی

    پاکستان تحریک انصاف (پی ٹی آئی) نے پارٹی نظم و ضبط کی خلاف ورزی پر کارروائی کرتے ہوئے رکن پنجاب اسمبلی عظمیٰ کاردار کی پارٹی کی بنیادی رکنیت ختم کردی۔
    پی ٹی آئی کے مرکزی میڈیا ڈپارٹمنٹ کی جانب سے جاری نوٹی فکیشن کے مطابق پی ٹی آئی کی قائمہ کمیٹی برائے نظم و احتساب نے عظمیٰ کاردار کی بنیادی پارٹی رکنیت ختم کرنے کا حکم دیا۔
    کمیٹی کے تحریری حکم نامے کے مطابق رکن وصوبائی اسمبلی عظمیٰ کاردار کو 15 جون کو اظہار وجوہ کا نوٹس بھیجا گیا تھا اور پارٹی کی بنیادی رکنیت ایک ماہ کے لیے معطل کرتے ہوئے قائمہ کمیٹی کی ذیلی کمیٹی کے روبرو پیش ہونے کی ہدایت کی گئی تھی۔
    حکم نامے میں کہا گیا کہ عظمیٰ کاردار کے شوہر کی علالت کے باعث 17 جون کی سماعت مؤخر کرکے 27 جون کو کی گئی۔
    کمیٹی نے کہا ہے کہ تمام ثبوت و شواہد کے معائنے اور عظمیٰ کاردار کے مؤقف کو سننے کے بعد قائمہ کمیٹی برائے نظم و احتساب اس بات پر قائل ہیں کہ پارٹی رہنما نے غیر ذمہ داری کا مظاہرہ کیا۔
    ذیلی کمیٹی نے حکم نامے میں کہا کہ بطور پنجاب اسمبلی کی مخصوص نشست پر رکن کے طور پر عظمیٰ کاردار کا رویہ انتہائی غیر ذمہ دارانہ اور آپ کا عمل پارٹی کی رکن کی حیثیت سے مناسب نہیں۔
    حکم نامے میں کہا گیا کہ عظمیٰ کاردار کی پارٹی کی بنیادی رکنیت کو ختم کردی جاتی ہے۔
    اس میں مزید کہا گیا کہ فیصلے کے نتیجے میں عظمیٰ کاردار پارلیمانی سطح پر کسی عہدے یا منصب کے لیے بھی اہل نہیں ہیں۔
    عظمیٰ کاردار سے کہا گیا کہ اگر وہ اپنا حق استعمال کرنا چاہتی ہیں تو قائمہ کمیٹی کے فیصلے کے خلاف کو 7 روز میں تحریک انصاف کی ایپلٹ کمیٹی کے پاس اس فیصلے کو چیلنج کرسکتی ہیں۔
    یاد رہے کہ پی ٹی آئی کی رکن پنجاب اسمبلی عظمیٰ کاردار کی پارٹی قیادت کے خلاف مبینہ آڈیو سامنے آنے پر 15 جون کو عارضی طور پر ایک ماہ کے لیے ان کی پارٹی رکنیت معطل کردی گئی تھی اور انہیں کمیٹی کے سامنے پیش ہونے کی ہدایت کی گئی تھی۔
    عظمیٰ کاردار سے ترجمان پنجاب حکومت کا عہدہ بھی واپس لے لیا گیا تھا۔
    صوبائی وزیر اطلاعات فیاض الحسن چوہان نے کہا تھا کہ عظمیٰ کاردار بطور ممبر میڈیا اسٹریٹجی کمیٹی ترجمان حکومتِ پنجاب تھیں۔
    فیاض الحسن چوہان نے واضح کردیا تھا کہ عظمیٰ کاردار کی برطرفی کا باقاعدہ نوٹی فکیشن جاری کر دیا گیا ہے۔

    https://www.dawnnews.tv/news/1136143/

Viewing 1 post (of 1 total)

You must be logged in to reply to this topic.

×
arrow_upward DanishGardi