حالات کیا ہوجائیں کچھ کہنا مشکل ہے۔ نیازی حکومت نے لبیک سے مذاکرات میں اپنی روایتی ڈنگ ٹپاو پالیسی اور چالاکی سے کام لیتے ہوے انہیں فیض آباد سے واپس گھروں میں بھجوا تو دیا مگر ڈاکٹر شاہد مسعود بار بار یہ بات کہتا رہا کہ اپریل کی بیس تاریخ کو حکومت پریشانی میں پھنس جاے گی اور لبیک پہلے سے کئی گنا طاقت کے ساتھ اسلام آباد پر یلغار کرسکتی ہے۔ اس دوران میں نے کسی ایک بھی اینکر سے اس ٹاپک پر کمنٹس نہیں سنے غالبا خادم رضوی کی اچانک موت پر حکومتی وزرا اور مشیران کے چہروں پر جو بشاشت آچکی تھی اس سے یہی سمجھا جا رہا تھا کہ یہ مسئلہ ہمیشہ کیلئے حل ہوچکا ہے
خیر مسئلہ اب بہت خراب بلکہ ہاتھ سے نکل چکا ہے۔ اب پولیس کے بس کی بات نہیں۔ فوج ہی معاملات کو سدھار سکتی ہے۔ ملک بھر میں لبیک کے کارندے تیار کھڑے ہیں اور ان کا رخ لاہور کی جانب ہے آج رات کراچی مرکز اور لاہور مرکز پر ہزاروں کارکن سخت اشتعال اور صدمے کی حالت میں شب بسری کررہے ہیں ان میں سے کوی بھی گھر نہیں جارہا اور لگتا ہے کہ کل یہ اسلام آباد کیلئے روانہ ہونگے تو بہت دنگا فساد ہوگا۔ کل پہیہ جام ہڑتال بھی ہے اور انجمن تاجراں بھی ان کا ساتھ دینے کی حامی بھررہی ہے گویا پورا ملک ہی بند ہوجاے گا صرف لبیک کے قافلے ہونگے جو اسلام آباد کی طرف موو کریں گے
تھوڑا سا پیچھے جائیں تو الیکشن سے پہلے یہی تحریک ن لیگ کے خلاف چلای گئی تھی جس کے بعد لبیک کے ووٹرز نے ن لیگ کو ووٹ نہیں ڈالے تھے۔ اب یہی حال تحریک انصاف کا نظر آرہا ہے۔ اگر ان کی حکومت ختم ہوجاتی ہے تو اگلے الیکشن میں ان کے امیدوار اس قابل بھی نہیں ہونگے کہ اپنے حلقوں میں ووٹ مانگنے کیلئے گھر سے نکل سکیں۔ شائد یہ مکافات عمل بھی ہے کہ جب نوازشریف پر بھاری وقت تھا تو پی ٹی آی کے لیڈران خادم رضوی کے ساتھ کھڑے دکھای دیتے تھے اور اب ان کا اپنا وقت ٹائیٹ ہوچکا ہے تو ن لیگ چھپ چھپا کے اور مولانا فضل الرحمن کھلم کھلا ان کی تحریک کا ساتھ دینے کا اعلان کرچکے ہیں۔ اس کے علاوہ اہل سنت کے تمام مسالک نے بھی آج لبیک کا ساتھ دینے کا اعلان کردیا ہے
اگر عمران خان اس بحران سے بچ کرنکل گیا جو ناممکن لگ رہا ہے تو بہت طاقتور ہوجاے گا اور اگر بچ نہ سکا تو پھر اس کی پارٹی بھی ختم ہوجاے گی
Share
Email. This post has been viewed 816 times
