منافقانہ فضولیات

[JMPParticipantOfflineThread StarterProfessional]

#1

اس موضوع کے تحت میں اپنی تمام بکواس فضول تحریریں ایک جگہہ جمع کروں گا تاکہ بوقت ضرورت کسی کو صفحات کے صفحات کی سیر نہ کرنی پڑے اور مجھے زچ کرنے کے لیے میری تمام بکواس تحریریں یکدم ڈھونڈھ سکیں . اس پر عمل آج سے ہو گا. کبھی کبھار کوئی تحریر الگ سے لکھوں گا تاکہ آپ لوگوں کو بوقت ضرورت ڈھونڈنے میں مشکل ہو. ویسے یہاں کچھ محترم ہستیاں ایسی ہیں جنہیں نے تو دس بارہ سال پرانی تحریریں بھی سنبھال کر رکھی ہیں یا کوئی ایسا گر جانتے ہیں کے فوری طور پر کسی کی بھی کوئی بھی تحریر ایسے ڈھونڈ لاتے ہیں کے میں سوچتا ہی رہ جاتا ہوں کے یہ ایسا کیسے کر لیتے ہیں

ان میں سے بیشتر تحریریں حسب معمول میرے اپنے رویہ پر مبنی ہونگی .

اگر آپ پڑھنا چاہیں اور راۓ دینا چاہیں تو بلکل اجازت ہے. جو الفاظ استعمال کرنا چاہیں جو کہنا چاہیں کہہ سکتے ہیں. چاہے وہ میری ذات کے حوالے سے ہو، عقیدہ (جو کے کفر پر مبنی ہے اور اس پر بھی میں کوئی عمل نہیں کرتا ) اور ویسے بھی کافروں کو کچھ کہنے کی نہ کوئی سزا ہے نہ ملامت نہ کسی اور نقصان کا خطرہ ، میرے سیاسی اور غیر سیاسی (بشمول بوٹ چاٹیہ ) نظریات کے حوالے سے کچھ بھی کہنا چاہیں بلکل کہیں . کبھی کبھار یہاں پر والدین بھی رگڑے میں آ جاتے ہیں اور اگر آپ کے خیال میں میرے حوالے سے بھی ان حدود تک پہنچنا ضروری ہے تو جیسا دوسروں کے ساتھ ہو سکتا ہے ویسا میرے ساتھ بھی کر سکتے ہیں . کبھی کبھار دوسروں کے کچھ ذاتی حقائق بھی اس محفل میں دانستہ طور پر پیش کئے جاتے ہیں اور اگر آپ میرے حوالے سے بھی ایسا کچھ کرنا چاہیں کے اس سے کوئی مقصد حل ہوتا ہو تو وہ بھی قبول ہے . اگر میرا درجہ اوپر کر کے مجھے کسی قسم کے القاب یا گالی یا کسی ایسے لفظ سے نوازنا چاہیں جسکے جو معنی چاہیں نکال سکتے ہیں تو بھی جھجھک کو قریب مت آنے دیجئے گا . رنگوں کے استعمال پر بھی کوئی قدغن نہیں ہے. یہ تختہ مشق ہے. ہر طرح کی مشق کر سکتے ہیں.

جو کہیں جو کریں میری طرف سے آپ کو اجازت ہے

[JMPParticipantOfflineThread StarterProfessional]

#2

تو آج کی پہلی تحریر پیش خدمت ہے

دسویں جماعت کا امتحان دیا تھا مگر نتیجہ نہیں آیا تھا. پتا نہیں والدہ کو کیوں یقین تھا کے اچھے نمبر حاصل کر لوں گا. والدہ نے ہدایت کے کی ایک انتہائی قریب رشتہ دار کی عزت اور احترم کو ملحوظ خاطر رکھتے ہوے ان سے نصیحت لوں کے پری میڈیکل یا پری انجینیرنگ میں داخلہ لوں. ہمارے محترم اور انتہائی قریبی رشتہ دار نے مشورہ دیا کے ڈاکٹری میں کچھ نہیں رکھا ہے اور مجھے انجینرنگ کو ترجیح دینا چاہیے . ڈاکٹری بلکل فضول ہے اور بہت سارے ڈاکٹر یہاں بیکار گھوم رہے ہیں . خیر میں دسویں میں ناکام ہو گیا اور آگے پڑھنے کی کوئی نوبت نہیں آئ . اس مشورے کے اگلے سال میرے محترم اور قریبی رشتے دار کے فرزند ارجمند نے جوکے مجھ ے ایک سال چھوٹا ہے پری میڈیکل میں داخلہ لیا . بہت زہین اور قابل شخص ہے بہت بڑا ڈاکٹر بن گیا اور ڈاکٹری میں جہاں بہت ہی دولت کمائی اس سے بڑھ کر نام اور شہرت بھی . میں جو دس سالوں میں نہیں کما سکتا ہوں وہ موصوف چھ مہینے میں کما لیتے ہیں. خیر پیسہ تو سب کچھ نہیں ہے مگر ایسا لگتا ہے کے ڈاکٹری کرنے کا فیصلہ درست تھا . ( سواۓ ایک بات کے باقی تمام باتیں سچی اور حقیقی ہیں اور یہ میرا ذاتی واقعہ ہے کوئی گھڑا ہوا قصہ نہیں )

سوچتا ہوں کے اگر کوئی کسی سے مشورہ مانگے یا کسی سے کہے کے کچھ کاروبار، سیر ، پڑھائی ، گھر وغیرہ کے حوالے سے کوئی مشورہ دو تو کس قسم کے لوگوں سے واسطہ ہو سکتا ہے . میرے خیال میں:

١) مشورہ دینے والا صاف صاف کہہ سکتا ہے کے میرے پاس وقت نہیں یا میں اس موضوع پر مشورہ دینے کا اہل نہیں یا مجھے مشورہ نہیں دینا اور مشورہ نہ دے
٢) مشورہ دینے والا انتہائی ایمانداری اور اپنایت سے مشورہ دے جو قابل عمل ہو اور جس کا فائدہ ہو
٣) مشورہ دینے والا اچھی نیت سے مشورہ دے مگر نا دانستگی میں یا موضوع پر کسی قسم کا علم یا نہ تجربہ ہونے کی وجہ سے ایسا مشورہ دے دے جو نقصاندہ ثابت ہو
٤) مشورہ دینے والا انتہائی چالاکی سے ایسا برتاؤ کا اہتمام کرے کے سامنے والا مشورہ دینے والے کی نیت پر کسی قسم کا شبہ نہ کرے اور مشورہ دینے والا دانستہ طور پر غلط اور نقصاندہ مشورہ دے

تیسری طرح کی شخصیت کو ڈھونڈنا مشکل ہو سکتا ہے کیونکہ اس ہستی کا ارادہ نیک ہوتا ہے. چوتھی والی شخصیت بھی مشکل سے پہچانی جاتی ہے کیونکہ الفاظ کے دھنی ‘ہوتے ہیں اور ہر ایک کو اپنا گرویدہ بنا لیتے ہیں

جو لوگ مجھے اچھی طرح جانتے ہیں وہ میرا شمار چوتھی والی شخصیت میں کرتے ہیں.

میرے خیال میں میں ے اور شاید دو چار اور لوگ اس دنیا میں ایسے ہونگے جو چوتھی طرح کی شخصیت کی طرح ہیں. اکثریت پہلی اور دوسری طرح’کی شخصیات ‘کی طرح ہے اور شاید کچھ تیسری طرح کی شخصیت ہیں

اس طرح کے تجربات رشتے داری ، دوستی ، کاروباری ساجھے دار ، ملازم وغیرہ میں بھی اکثر پیش آ سکتے ہیں. کبھی کسی کو کوئی کام سونپیں جو اسکا اہل نہ ہو مگر وہ منع کر دے کے اہل نہیں یا دانستہ یا غیر دانستہ طور پر نقصان کر دے . کبھی رشتے دار بھی ایسا کرتے ہیں کے کبھی اپنے رشتے دار کا نقصان نہیں کرتے اور کبھیجان بوجھ کر کرتے ہیں . میں تو دوست نہ بناتا ہوں نہ بنتا ہوں مگر کہنے والے کہتے ہیں کے دوست ہمیشہ پر خلوص ہوتے ہیں. مجھے نہیں خبر اور جو تجربہ ہے اور مشائدہ ہے اسکی کوئی ضرورت نہیں یہاں بیان کرنے کی

[JMPParticipantOfflineThread StarterProfessional]

#3

میں آدمی میں  انسان ڈھونڈتا ہوں اور انسان میں فرشتہ

پھر شکایات  بھی خوب کرتا ہوں کے دل توڑ دیا، ایسا سلوک کیوں  کرتے ہیں، غلط مشورہ کیوں دیتے ہیں، نفاست کا دامن ہاتھ سے کیوں چھوڑتے ہیں، دوسرے آدمیوں کو تکلیف کیوں پہنچاتے ہیں، سچ کیوں نہیں بولتے، منافقت کیوں نہیں چھوڑتے ، غصہ کیوں کرتے  ہیں، برداشت کیوں نہیں کرتے وغیرہ وغیرہ

 پہلے تو میری کھوج غلط اور دوسرا میں خود انسان نہیں بن سکا ہوں نہ بن سکتا ہوں

مگر الزام دوسروں پر

[JMPParticipantOfflineThread StarterProfessional]

#4

چند مہینوں پہلے تک سب کی اپنی محفل ہے. کسی بھی موضوع پر حد ادب بات کی جاسکتی ہے. نہ کوئی چوکیداری کرنے والا نہ کوئی سزا دینے والا

اب سزا کیا ملنے لگ گئی میں نے کچھ الفاظ استعمال کرنے بند کر دئیے . کبھی میں نے احتجاج کر کے دوسرے پر پابندی لگوائی اور کبھی کسی کی پابندی کو ختم کروایا

لوگ کہنے لگ گئے کے محفل کا ماحول اچھا ہو گیا ہے

پاکستان میں جمہوری نظام کی ناکامی میں غیر جمہوری قوتوں کے ساتھ میرا بھی بہت بڑا ہاتھ ہے کہ مجھکو آزادی کا ، جمہوریت کا، اپنے فرائض کا ، اپنی ذمے داریوں کا مفہوم معلوم نہیں . مجھے تو یہ بھی معلوم نہیں کے جس نے مجھ پر اعتماد کر کے پوری آزادی دی ، اس اعتماد کا فرض مجھے کیسے نبھانا ہے .

میرا رویہ اس محفل کا، اس معاشرہ کا، اس ملک کا ، اس دنیا کا رویہ بناتا ہے

ویسے جمہوریت زندہ باد ، میری مشرقی اقدار زندہ باد . اپنے کافر مذہب کے بارے میں نہیں کہہ سکتا ورنہ کہتا میرا بہترین مذہب زندہ باد کے اس سب سے سیکھ کر میں اپنا کردار احسن طریقے سے نبھا رہا ہوں

[Ghost ProtocolParticipantOfflineExpert]

#5

JMP wrote:

. خیر میں دسویں میں ناکام ہو گیا اور آگے پڑھنے کی کوئی نوبت نہیں آئ .

جے بھیا،
مجھے شک ہے کہ بہت سارے احباب اس جملہ کو پڑھ کر زیر لب مسکرارہے ہوں گے کہ آپ کسر نفسی سے کام لے رہے ہیں جبکہ آپ کی تحاریر سے تو آپ کویی بہت پہنچے ہوے بزرگ لگتے ہیں
اگر میں نے بھی آپ کی دکان کے پان اور سموسے نہیں کھاے ہوتے تو شاید میں بھی ایسا ہی سمجھتا ، مگر صاحب کینیڈا میں آپ سے بہتر سادہ خوشبو پان کویی نہیں بناتا بلکہ مجھے تو لگتا ہے کہ آپ کو انکو پیٹنٹ کروا لینا چاہیں، خدا کی قسم لاجواب پان تھے

[JMPParticipantOfflineThread StarterProfessional]

#6

Ghost Protocol wrote:

. خیر میں دسویں میں ناکام ہو گیا اور آگے پڑھنے کی کوئی نوبت نہیں آئ .

جے بھیا، مجھے شک ہے کہ بہت سارے احباب اس جملہ کو پڑھ کر زیر لب مسکرارہے ہوں گے کہ آپ کسر نفسی سے کام لے رہے ہیں جبکہ آپ کی تحاریر سے تو آپ کویی بہت پہنچے ہوے بزرگ لگتے ہیں اگر میں نے بھی آپ کی دکان کے پان اور سموسے نہیں کھاے ہوتے تو شاید میں بھی ایسا ہی سمجھتا ، مگر صاحب کینیڈا میں آپ سے بہتر سادہ خوشبو پان کویی نہیں بناتا بلکہ مجھے تو لگتا ہے کہ آپ کو انکو پیٹنٹ کروا لینا چاہیں، خدا کی قسم لاجواب پان تھے

Ghost Protocol sahib

محترم گھوسٹ پروٹوکول صاحب

بند کباب اور پکوڑوں کا بھی ااضافہ کر لیا ہے رہڑی میں.

پکوڑوں کے لئے پاکستان سے خاص طور پر اردو اخبار منگواے ہیں

اگر کبھی اس شہر سے گزریں تو چکر ضرور لگائیے گا

[Ghost ProtocolParticipantOfflineExpert]

#7

JMP wrote:

Ghost Protocol sahib

محترم گھوسٹ پروٹوکول صاحب

پکوڑوں کے لئے پاکستان سے خاص طور پر اردو اخبار منگواے ہیں

[Ghost ProtocolParticipantOfflineExpert]

#8

JMP wrote:

Ghost Protocol sahib

محترم گھوسٹ پروٹوکول صاحب

بند کباب اور پکوڑوں کا بھی ااضافہ کر لیا ہے رہڑی میں.

پکوڑوں کے لئے پاکستان سے خاص طور پر اردو اخبار منگواے ہیں

اگر کبھی اس شہر سے گزریں تو چکر ضرور لگائیے گا

جی ضرور ، ویسے میرا بھی چائے کا کھوکھا چل نکلا ہے جلد ہی پراٹھے بھی شروع کرنے کا ارادہ ہے
اسکے بعد پیزا پر بھی نظر ہے سنا ہے اس کاروبار میں باجوہ …..سوری سوری سوری برکت بھی بہت ہے
آپ بھی خدمت کا موقع دیں کبھی

[JMP]

#9

٤) ابلاغ

مجھے انگریزی کے لفظ کمونیکشن کا اردو لفظ نہیں معلوم لہٰذا “ابلاغ” کا لفظ استعمال کر رہا ہوں جو میرے خیال میں موضوع لفظ نہیں ہے

:ابلاغ شروع کرنے والے
کی نیت
کا مقصد
کا الفاظ کا چناؤ
کی جملہ بندی
پر اندرونی اور بیرونی اثرات
کا طریقہ ( زبانی، تحریری ، خود یا کسی اور کے زریعے، وقت )
کا انداز
کا سامنے والے کے بارے میں تاثر

:سامنے والے

نے کیا سنا یا پڑھا
نے کیا سمجھا
پر اندرونی اور بیرونی اثرات
کا ابلاغ شروع کرنے والے کے بارے میں تاثر

کبھی مقصد حل ہو جاتا ہے اور اکثر نہیں

ابلاغ میں سب سے غلط تاثر یہ خوش فہمی ہوتی ہے کہ آمنے اور سامنے والے کے درمیان کامیاب ابلاغ مکمل ہوا . بیشتر سننے یا پڑھنے والا صرف الفاظ سنتا ہے یا پڑھتا ہے اور اپنی راۓ قائم کر لیتا ہے . میری ایک اور بہت بڑی کمزوری یہ ہے کے نہ میں اپنا اصل مدعا دوسرے تک پہنچا سکتا ہوں نہ دوسرے کا اصل مدعا سمجھ پاتا ہوں اور اسی لئے غلط فہمیاں پیدا کرتا رہتا ہوں

ویسے کچھ لوگ اس فن میں بہت مہارت رکھتے ہیں اور اکثر اپنے مقصد کو فاتحانہ انداز میں حاصل کر لیتے ہیں .

• This reply was modified 2 years, 6 months ago by JMP. Reason: changed font color

[AnjaanParticipantOfflineProfessional]

#10

ر . میری ایک اور بہت بڑی کمزوری یہ ہے کے نہ میں اپنا اصل مدعا دوسرے تک پہنچا سکتا ہوں نہ دوسرے کا اصل مدعا سمجھ پاتا ہوں اور

اسی لئے غلط فہمیاں پیدا کرتا ہتا ہوں

---

جو نہ سمجھے وہ اناڑی ہے

Worry Not

[JMPParticipantOfflineThread StarterProfessional]

#11

٥) قیمت

ضرورت ہو یا طلب ، اسکی کوئی نہ کوئی قیمت ضرور ہوتی ہے. کبھی یہ قیمت پیسوں کی صورت اختیار کر لیتی ہے، کبھی وقت کا بھیس دھار لیتی ہے، کبھی خوشی ، کبھی تکلیف ، کبھی ساکھ ، کبھی عزت نفس ، کبھی حیات اور کبھی موت کبھی جسم تو کبھی قلب تو کبھی روح تو کبھی کچھ اور یا بہت کچھ اور

ہر انسان کبھی اپنی مرضی اور کبھی کچھ اور عوامل کی بنیاد پر ایسی جگہہ پہنچتا ہے کے اس کو کسی نہ کسی چیز کی کوئی قیمت چکانی پڑتی ہے. یہ چیزیں مادی بھی ہو سکتی ہیں اور غیر مادی بھی

جب انسان کی اپنی مرضی شامل ہوتی ہے تو انسان کے اختیار میں ہوتا ہے کے وہ اس چیز کا طالب ہے یا نہیں اور جو قیمت وہ ادا کر رہا ہے وہ زیادہ ہے یا کم یا موزوں .

اگر انسان کی مرضی شامل نہ ہو اور اکثر وہ چیز طالب سے زیادہ ضرورت ہو سکتی ہے اور جہاں ضرورت ہو وہاں انسان ہر وہ قیمت دے سکتا ہے جو اس کے پاس موجود ہو

جہاں تک ضرورت کا تعلق ہے، کچھ ضرورتیں واقعی ضروری ہو سکتی ہیں اور کچھ ضرورتیں طلب پر انسان کی کمزور گرفت کی وجہ سےضرورت لگنے لگتی ہیں

اکثر انسان کو کسی ضرورت یا پھر طلب کے حصول کے لئے مختلف قسم کے سمجھوتے بھی کرنے پڑتے ہیں یا دو یا زائد چیزوں میں سے کسی ایک کو چننا پڑتا ہے . اکثر یہ مشکل مرحلہ بن جاتا ہے

رشتے ہوں، محبت ہو، نفرت ہو، پسند ہو یا نا پسند، خواھشات ہوں، سہل زندگی ہو، رتبہ ہو، دولت ہو، گھر ہو، طاقت ہو، اقتدار ہو، اصول ہوں، آرزوئیں ہوں کچھ بھی ہو غور کریں تو کہیں نہ کہیں قیمت کا دخل نظر آے گا

اگر سمجھ نہیں آئی تو سچی بات ہے مجھے بھی کچھ سمجھ نہیں آئی

[JMPParticipantOfflineThread StarterProfessional]

#13

٦) انسان اور فرشتے

انسانوں میں صرف فرشتہ ڈھونڈتے ہیں اور کہتے ہیں فرشتوں کا کوئی وجود نہیں

کیا اس ممکن ہے کہ انسان کہیں اور کبھی گناہ کرے اور ہکہیں اور کبھی کوئی نیک عمل

صرف ایک ہی طرف توجہ مرکوز رکھیں گے تو یا تو صرف عقیدت ہو گی یا نفرت اور یہ دونوں نقصاندہ ہیں

[Anjaan]

#13

A copy of the post by JMP on another thread.

Golden Words.

I think  these three factors are missing in the case where the CCPO made a statement.

I am not good at all at empathy. When it comes to empathy, one has to put aside the logic until such time when it is appropriate.

Humans need empathy and not a lecture when they have gone through misery and in this case misery of lifetime.

• This reply was modified 2 years, 6 months ago by Anjaan.

[JMPParticipantOfflineThread StarterProfessional]

#14

٧) مذہب
کیا مذہب کے ہونے سے گلا ہے، کیا مذہب کے پیغام سے، کیا پیغام کی تشریح سے، کیا پیغام کے استعمال سے یا کسی اور چیز سے

ممکن ہے کے مذہب الہامی ہو ممکن ہے کے نہ ہو مگر تشریح ضرور انسانی ہے. ممکن ہے کے کہیں انسانوں نے غلط تشریح کی ہو چاہے جانے میں یا انجانے میں

ممکن ہے کے تشریح کو بھی اپنے رنگ میں ڈھالا گیا ہو . ممکن ہے کے مذہب کے پیغام کا غلط استعمال ہو رہا ہو کہ اپنا مقصد حاصل ہو سکے .

ممکن ہے کے مذہب بھی الہامی نہ ہو اور ممکن ہے کہ یہ سب حقیقت کو . اگر الہامی نہیں بھی ہے تو بھی ایک ضابطہ حیات تو بیان کیا گیا ہے. کہیں نہ کہیں کچھ نہ کچھ ضوابط بیان کئے ہیں اور میرے خیال میں ان میں ضرور کچھ اچھے بھی ہو سکتے ہیں .

میرے خیال میں مذہب پر اپنا ایمان کامل رکھنا یا نہ رکھنا شاید دوسروں کے لئے نقصاندہ یا کہہ لیں بہت نقصاندہ نہیں مگر اپنے ایمان اور نظریات کی بنیاد پر اپنی سوچ پر مستقل قفل لگانا اور دوسرے پر اپنے نظریات کو بزور طاقت استعمال کرنا یا تھوپنا نقصاندہ ہے . اگر کسی کا اپنا دل مطمئن ہے تو ہونے دیں اس پر بلاوجہ کی تنقید یا تعریف سے کیا حاصل ہو گا اور اگر کوئی اپنی سوچ کو استعمال نہیں کرنا چاہتا تو وہ بھی اسکی مرضی ہے یا ممکن ہے کہ وہ اپنی سوچ کے استعمال سے ہی اس مقام پر پہنچا ہے کے مذہب حقیقت ہے اور اچھی حقیقت ہے .

کوئی کافر اپنی عبادتگاہ میں لاکھ ماتھا بتوں کے آگے جھکاۓ اس سے کیا فرق پڑتا ہے مگر جب وہ دوسروں کے حقوق پر اپنے مذہبی یا کوئی اور نظریات کو بنیاد بنا کر پابندی لگاۓ تو بات نہیں بنتی

یہاں اس تحریر میں مذہب سے مراد ہرگز ہرگز اسلام نہیں ہے بلکہ عمومی ہے اور کسی حد تک کافروں کے مذہب کی بنیاد پر خیالات تحریر کئے گئے ہیں

[JMPParticipantOfflineThread StarterProfessional]

#15

٨) مزاح اور تنقید

جو شخص اپنی ذات اور شخصیت کو  مزاح  کا مرکز بنا سکتا ہے  یا دوسرے کی اپنی ذات پر مزاح برداشت کر سکتا ہے ، جو شخص ااپنی ذات ، شخصیت اور اعمال پر خود تنقید کر سکتا ہے اور دوسروں کی تنقید برداشت کر سکتا ہے میرے خیال میں  جب وہ دوسروں پر مزاح اور تنقید کرے توشاید اس شخص کے  مزاح اور تنقید کو برداشت کرنے والے بہت ہونگے

میں خود پر تو ایک جملہ مزاح کا اور تنقید کا برداشت نہیں کر سکتا ہوں مگر خواہش رکھتا ہوں اور اس پر عمل بھی کرتا ہوں کے دوسروں پر مزاح اور تنقید کروں . چاہے وہ عوامی شخصیات ہوں ، ذاتی زندگی کی یا اس محفل کی

[JMPParticipantOfflineThread StarterProfessional]

#16

٩) ناپسند، نفرت، عدوات

گو عداوت ایک منفی رویہ ہے اور اکثر اس کا قلب پر، جذبات پر، زندگی کی ترجیحات پر نقصاندہ اثر پڑتا ہے اور مزید پڑ سکتا ہے مگر میں پھر بھی بے تحاشا عداوت کا رویہ اپناتا ہوں .

کبھی کسی سے توقعات پوری نہ ہوئیں تو اسکو ناپسندیدہ فہرست میں شامل کر لیا، کبھی کسی کی علمیت، شہرت، شخصیت ، مقبولیت، دولت وغیرہ سے حسد کیا تو عدوات برتنے لگ گیا، کبھی کسی نے قلبی یا جسمانی تکلیف پہنچائی تو نفرت کر بیٹھا ، کبھی سوچ کے پہلو دوسرے سے متصادم ہوے تو ایک بار بھر نفرت کر بیٹھا ، کبھی کسی نے دھوکہ دیا تو پھر نفرت ہو گئی ، کبھی کسی کا کسی قسم کا انداز نہ بھایا تو پھر ناپسند کر لیا ، کبھی کسی نے نظریاتی، دینی، دنیاوی پہلو پر کوئی جملہ کس دیا تو پھر عداوت کر بیٹھا اور پتا نہیں کون کونسے محرکات ہیں جو مجھ پر غالب ہو کر مجھے ناپسنددیگی، نفرت اور عداوت کی مختلف تہوں کی پستیوں میں دھکیل دیتے ہیں . الزام محرکات کو دیتا ہوں مگر کیا محرکات ہمیشہ مواد الزام ٹھہراے جا سکتے ہیں

سوچتا ہوں کے اتنا کمزور کیسے ہو سکتا ہوں اور کیوں ہوں

[JMPParticipantOfflineThread StarterProfessional]

#17

١٠) چناؤ

پہلی
جھوٹ، برائی ، غیبت، لڑائی ، جنگ جدل ، الزام تراشی، چوری چکاری ، نا انصافی، لوٹ کھسوٹ ، گالی گلوچ ، بدکاری ، بد عنوانی وغیرہ وغیرہ مجھ میں موجود ہے اور اکثر اس میں کافی وقت اور توانائی صرف ہو جاتی ہے .

دوسری
جب اردگرد نظر دوڑاتا ہوں تو نظر آتا ہے کے وقت اور توانائی صرف کرنے کے لئے کچھ اور بھی موجود ہے جیسا کے

لاتعداد موضوعات پر علم اور جتنا حاصل کروں کم ہے ، اتنی کتابیں کے زندگی کتنی بھی لمبی ہو، تمام کتابیں نہ پڑھ سکوں ، اتنی موسیقی کے سنتا جاؤں تو صدیاں بھی کم پڑیں ، فطرت کا حسن صحرا ، دریا، پہاڑ ، سمندر، پھول، چرند ، پرند ، آبشار، جھیلیں ، آسمان ، زمین، چاند تارے اور پتا نہیں کتنی صورتوں میں جلوہ افروز ہے اور چلتا جاؤں تو کئی زندگیاں بھی مل جائیں تو تمام سے لطف اندوز نہ ہو سکوں ، مال و دولت سے نہیں پھر بھی دو لفظ بول کر دو لمحہ بتا کر اپنے ارد گرد کسی دکھی کا ، کسی غمزدہ کا ، کسی تنہا کو زندگی میں ایک آدھ پل خوشی کا دے سکوں

میرے خیال میں دونوں میں سے کسی ایک کا انتخاب کرنا مشکل ہے لہٰذا میں انتخاب کرتا ہوں پہلی صورتحال کا . آسان ہے اور دل کو بے پناہ اطمینان بھی میسر ہوتا ہے

جو مشکل کام پر یقین رکھتے ہیں وہ دوسری صورتحال کو اپنے لئے چن سکتے ہیں

[Ghost Protocol]

#18

آرڈر آرڈر آرڈر
جی صاحب کیا پسند کریں گے
کھانے میں کیا  کیا ہے
آلو کی بیف بریانی ہے ، بھنڈی کی مٹن کڑھائی ہے ، پالکی چکن قورمہ ہے ، پنیری شرمپ کباب ہیں
ایسا کرو پنیری شرمپ کباب ، پالکی چکن اور بھنڈی مٹن کڑھائی لے آؤ ، ساتھ میں نان بھی لے آنا اور ہاں جلدی جلدی لے آنا ، جن ہوٹلوں کے ہم باسی ہیں وہاں کھانا گرم گرم اور تازہ تازہ ملتا ہے
اچھا صاحب ، ابھی لاتا ہوں
یہ لیں صاحب ، آگیا آپ کا کھانا . مزے سے نوش کریں اور کسی چیز کی ضرورت ہو تو آواز دے لیجئے گا
ویٹر او ویٹر یہاں آؤ جلدی آؤ
جی صاحب کیا غلطی ہو گئی
یہ کیا کھانا لاے ہو؟ شرمپ کباب میں تو صرف پنیر ہے ، شرمپ غائب ہے ، پالکی چکن قورمہ میں صرف پالک ہے چکن غائب ہے بھنڈی مٹن کڑھائی میں صرف بھنڈی ہے مٹن غائب ہے ، یہ کیا کھانا ہے ؟ ایسا ہوتا ہے کھانا ؟ ہمارے ہوٹلوں میں تو جو آرڈر دیا جاتا ہے وہی ملتا ہے جتنا مٹن چکن شرمپ لکھا ہوتا ہے اتنا ہی ہوتا ہے تھوڑا زیادہ ہی ہوتا ہے .
سرکار ہمارا شیف ابھی نیا ہے سیکھ رہا ہے ، دوسرا یہ گوشت وغیرہ یہاں اتنی آسانی سے ملتا بھی نہیں ہے . ہم لوگ کوشش کررہے ہیں انشاللہ جلد سیکھ جائیں گے .
خاک سیکھ جاؤ گے ، تم لوگ کبھی سیکھ نہیں سکتے ، شیف تو ہمارے ہوٹلوں میں ہوتے ہیں کھانا تو وہاں بنتا ہے ہم تو تم پر رحم کھاکر مدد کی نیت سے آئے تھے
صاحب ، اگر ہم لوگ اتنے ہی نکمے ہیں تو آپ سکھا دیں کہ کھانا کسطرح بناتے ہیں ، آپ آجائیں ہمارا ہوٹل سمبھال لیں ، گوشت کی مارکٹیں بنالیں تاکہ آپ کی پسند کا کھانا یہاں بھی دستیاب ہو .
کیا بات کررہے ہو کیا بات کررہے ہو ، ہم کو آرڈر دینا آتا ہے اور کھانا آتا ہے یہ بنانے وغیرہ کی فضولیات کی توقع ہم سے مت رکھو . تمھاری طرح ہم بھی بیوقوف ہوتے تو باہر کے ہوٹلوں میں کھانا کھانے کے بجائے تمھاری طرح بھنڈی کی مٹن کڑھائی کھا رہے ہوتے . نانسنس

• This reply was modified 2 years, 3 months ago by Ghost Protocol.

[JMPParticipantOfflineThread StarterProfessional]

#19

Ghost Protocol wrote:

آرڈر آرڈر آرڈر جی صاحب کیا پسند کریں گے کھانے میں کیا کیا ہے آلو کی بیف بریانی ہے ، بھنڈی کی مٹن کڑھائی ہے ، پالکی چکن قورمہ ہے ، پنیری شرمپ کباب ہیں ایسا کرو پنیری شرمپ کباب ، پالکی چکن اور بھنڈی مٹن کڑھائی لے آؤ ، ساتھ میں نان بھی لے آنا اور ہاں جلدی جلدی لے آنا ، جن ہوٹلوں کے ہم باسی ہیں وہاں کھانا گرم گرم اور تازہ تازہ ملتا ہے اچھا صاحب ، ابھی لاتا ہوں یہ لیں صاحب ، آگیا آپ کا کھانا . مزے سے نوش کریں اور کسی چیز کی ضرورت ہو تو آواز دے لیجئے گا ویٹر او ویٹر یہاں آؤ جلدی آؤ جی صاحب کیا غلطی ہو گئی یہ کیا کھانا لاے ہو؟ شرمپ کباب میں تو صرف پنیر ہے ، شرمپ غائب ہے ، پالکی چکن قورمہ میں صرف پالک ہے چکن غائب ہے بھنڈی مٹن کڑھائی میں صرف بھنڈی ہے مٹن غائب ہے ، یہ کیا کھانا ہے ؟ ایسا ہوتا ہے کھانا ؟ ہمارے ہوٹلوں میں تو جو آرڈر دیا جاتا ہے وہی ملتا ہے جتنا مٹن چکن شرمپ لکھا ہوتا ہے اتنا ہی ہوتا ہے تھوڑا زیادہ ہی ہوتا ہے . سرکار ہمارا شیف ابھی نیا ہے سیکھ رہا ہے ، دوسرا یہ گوشت وغیرہ یہاں اتنی آسانی سے ملتا بھی نہیں ہے . ہم لوگ کوشش کررہے ہیں انشاللہ جلد سیکھ جائیں گے . خاک سیکھ جاؤ گے ، تم لوگ کبھی سیکھ نہیں سکتے ، شیف تو ہمارے ہوٹلوں میں ہوتے ہیں کھانا تو وہاں بنتا ہے ہم تو تم پر رحم کھاکر مدد کی نیت سے آئے تھے صاحب ، اگر ہم لوگ اتنے ہی نکمے ہیں تو آپ سکھا دیں کہ کھانا کسطرح بناتے ہیں ، آپ آجائیں ہمارا ہوٹل سمبھال لیں ، گوشت کی مارکٹیں بنالیں تاکہ آپ کی پسند کا کھانا یہاں بھی دستیاب ہو . کیا بات کررہے ہو کیا بات کررہے ہو ، ہم کو آرڈر دینا آتا ہے اور کھانا آتا ہے یہ بنانے وغیرہ کی فضولیات کی توقع ہم سے مت رکھو . تمھاری طرح ہم بھی بیوقوف ہوتے تو باہر کے ہوٹلوں میں کھانا کھانے کے بجائے تمھاری طرح بھنڈی کی مٹن کڑھائی کھا رہے ہوتے . نانسنس

Ghost Protocol sahib

محترم

آپ نے تو ایک ہی وار میں میری منافقت آشکارا کر دی گو اپنی ہی خامی کو بیان کرنے کی ناکام کوشش کی تھی میں نے .خود پر شرم تو بہت آئی مگر جس آپکی تحریر اور ادا دونوں ہی بہترین اور قابل ستائش ہیں.

آپکی صلاحیتوں کے بارے میں کسی نے کیا خوب کہا ہے

دامن پہ کوئی چھینٹ نہ خنجر پہ کوئی داغ
تم قتل کرو ہو کہ کرامات کرو ہو

لطف آگیا پڑھ کر. بہترین اور بہت شکریہ

[JMPParticipantOfflineThread StarterProfessional]

#20

بکنے بھی دو عاجز کو جو بولے ہے بکے ہے
دیوانہ ہے دیوانے سے کیا بات کرو ہو

[Author]

Posts