امریکی اور جرمن کمپنیوں نے کورونا ویکسین تیار کرلی

[Muhammad HafeezParticipantOfflineThread StarterProfessional]

#1

فائزر اور بایوین ٹیک کمپنی کی تیارکردہ مشترکہ ویکسین کورونا مرض کو روکنے میں 90 فیصد مؤثر ثابت ہوئی ہے، تصویر میں ترکی میں ایک کارکن کے ہاتھ میں ویکسین نمایاں ہے (فوٹو: اناطولو نیوز ایجنسی)

Efficacy in the majority of participants, safety data and consistent manufacturing are the three requirements that are needed before we are able to file for Emergency Use Authorization.

— Pfizer Inc. (@pfizer) November 9, 2020

امریکی اور جرمن کمپنیوں نے مشترکہ طور پر کورونا ویکسین تیار کرلی جس کے بعد دنیا بھر میں ویکسین کے حصول کے معاملے پر کھلبلی مچ گئی، ٹرمپ نے امریکی کمپنی فائزر کو مبارک باد پیش کی ہے۔

عالمی ذرائع ابلاغ کے مطابق مشہور ادویہ ساز امریکی کمپنی فائزر اور جرمن کمپنی بایون ٹیک نے مشترکہ طور پر ایک ویکسین کی وسیع پیمانے پر آزمائش کے نتائج ظاہر کیے ہیں اور اس میں 90 فیصد کامیابی حاصل ہوئی ہے۔ یعنی یہ ویکسین 100 میں سے 90 افراد کو وائرس کے حملے سے بچاسکتی ہے۔

اس کے بعد ایک جانب تو ان کمپنیوں کا شہرہ ہوگیا ہے تو دوسری طرف اب تک 10 لاکھ سے زائد افراد کو ہلاک کرنے والے کووڈ 19 مرض کو لگام دینے کی امید پیدا ہوئی ہے۔ توقع ہے کہ فائزر اور بایون ٹیک کی یہ ویکسین سال کے اختتام تک دستیاب ہوسکے گی۔

ویکسین کو کئی ممالک کی آبادی پر بڑے پیمانے پر آزمایا گیا ہے اور تجزیہ کاروں کے توقع کے برعکس اس نے بہترین کارکردگی دکھائی ہے تاہم یہ اولین ابتدائی تجربات ہے اور ویکسین کی آزمائش اب تک جاری ہے جس کا سلسلہ دسمبر تک چلتا رہے گا۔ اس ماہ کے اختتام تک اس کا تمام سیفٹی ڈیٹا ظاہر کردیا جائے گا یہی وجہ ہے کہ کمپنیاں دن رات ویکسین پر کام کررہی ہیں۔

فائزر کمپنی کے صدر دفاتر نیویارک میں ہیں جبکہ بایون ٹیک ایک چھوٹی کمپنی ہے جسے جرمنی اور یورپی سرمایہ کاری بینک کی مدد حاصل ہے۔ ان دونوں کمپنیوں نے کہا ہے کہ اب تک اس کے حفاظتی پہلوؤں پر خوش اسلوبی سے کام جاری ہے اور کوئی منفی ضمنی اثرات (سائیڈ افیکٹ) سامنے نہیں آئے ہیں۔ دوسری جانب ریگولیٹری اداروں نے کہا ہے کہ اگر یہ ویکسین 50 فیصد افراد کو بھی تحفظ دے سکے تو اس کی منظوری دے دی جائے گی۔

[نادانKeymasterOffline]

#2

جو وائرس روز اپنی شکل تبدیل کر لیتا ہے اس کی ویکسین کیسے تیار ہو سکتی ہے ..لوگوں کو لوٹنے کا ھتیار  یا کوئی اور سازش ؟

[Aamir SiddiqueParticipantOfflineExpert]

#3

نادان wrote:

جو وائرس روز اپنی شکل تبدیل کر لیتا ہے اس کی ویکسین کیسے تیار ہو سکتی ہے ..لوگوں کو لوٹنے کا ھتیار یا کوئی اور سازش ؟

منع کیا بھی تھا کہ نا دیکھا کریں حقیقت ٹیوی

[نادانKeymasterOffline]

#4

Aamir Siddique wrote:

منع کیا بھی تھا کہ نا دیکھا کریں حقیقت ٹیوی

یہ حقیقت ٹی  وی کی خبر نہیں ..ریلائیبل  سورس کی ہے

[Aamir SiddiqueParticipantOfflineExpert]

#5

نادان wrote:

یہ حقیقت ٹی وی کی خبر نہیں ..ریلائیبل سورس کی ہے

یہ ویکسین مہنگی رکھنا کسی کے حق میں نہیں ، دنیا میں کسی ایک شہر میں بھی کورونا بچا تو پوری دنیا غیر محفوظ ہے ، پولیو کی طرح اس ویکسین کا عام ہونا بھی اشد ضروری ہے

[shami11ParticipantOfflineExpert]

#6

ویکسین میں دوسرے تبدیل شدہ وائرس کے ورژن بھی ڈال دئیے جائیں گے جو انہیں نیوٹرولائز کر دیں گے

یہی کام دوسری ویکسین میں بھی کیا جاتا ہے

فلو کی ویکسین میں دو سو سے زائد ورژن ہوتے ہیں

نادان wrote:

جو وائرس روز اپنی شکل تبدیل کر لیتا ہے اس کی ویکسین کیسے تیار ہو سکتی ہے ..لوگوں کو لوٹنے کا ھتیار یا کوئی اور سازش ؟

[Author]

Posts