Home Forums Siasi Discussion بلا تبصرہ بلا تبصرہ

#10
کک باکسر
Participant
Offline
Thread Starter
  • Advanced
  • Threads: 26
  • Posts: 1149
  • Total Posts: 1175
  • Join Date:
    9 Dec, 2016

Re: بلا تبصرہ

سیاست اپنی بہترین شکل میں. حزب اختلاف کے مختلف الخیال اور متصادم نظریات کے حامل رہنما کم سے کم مشترکہ مفاد کے لئے اکھٹا ہوئے . ہر ایک نے اپنے اپنے فائدے اور نقصان کی کیلکو لیشن کی اور اسی کے حساب سے حکمت عملی اپنانے اور اختیار کرنے پر زور دیا سب بظاہر مشترکہ مفاد کے لئے چند قدم تک ساتھ رہے مگر انفرادی طور پر ایسی حکمت عملی کی جانب نہیں گئے جہاں انکے مفاد کو زک پہنچنے کا اندیشہ تھا زرداری کو بہت لوگ اوور ریٹ کرتے ہیں اور اسکو سیاسی جوڑ توڑ میں اپنے تئیں پی ایچ ڈی کا حامل بھی قرار دیتے ہیں میری اسکے بارے میں ہمیشہ سے رائے ہے کہ یہ ایک اسٹریٹ کرمنل لیول کا شخص ہے اگر یہ کویی بہت دور اندیشی کا حامل شخص ہوتا تو آج پی پی پی اندرون سندھ تک محدود نہیں ہو نی تھی. مگر ٹی ٹوینٹی میں لوگ اسکے چوکوں چھکوں سے متاثر ہو جاتے ہیں . اسکا بڑا ہدف بلاول کو وزیر اعظم بنوانا ہے مگر یہ بغیر پنجاب کی حمایت کے نہیں ہو سکتا اور پی ڈی ایم نے بلاول کو یہ پلیٹ فارم مہیا کیا تھا. ایک حد تک یہ نون لیگ کی قربانی تھی. میاں صاحب کا حدف بھی مریم کو وزیر اعظم بنوانا ہے اور پی ڈی ایم میں دراڑ ایک طرح سے انکے لئے فائدے مند ہے ایک تو طاقت کا منبع پنجاب کی عوامی حمایت انکے سنگ ہے دوسرے میاں صاحب پنجاب کے عوام کو باور کرواسکتے ہیں کہ پی پی پی نے جمہوریت کی جدوجہد میں انکی پیٹھ میں چھرا گھونپا ہے لہذا اگر کچھ مایلج بلاول کو مل بھی رہی تھی وہ زائل ہو جائے گی اور میاں صاحب اور مریم اپنے ووٹرز سپورٹرز کے سامنے اینٹی اسٹبلشمنٹ انقلابی کے طور پر پہچان بڑھانے میں کامیاب ہو سکتے ہیں جسکا فائدہ انکو اگلے انتخابات میں ہونے کا امکان ہے . یہ راستہ مگر کانٹوں سے لیس ہے اور زیادہ خطرناک ہے اور اسکی غیر متوقع قیمت بھی چکانی پڑ سکتی ہے . میاں جاوید لطیف جیسوں کے ہاتھوں “نا کھپے” جیسی بڑھکیں اپنوں کے لہو کو گرمانے اور گردش میں رکھنے کے کام آسکتی ہیں . میاں صاحب کے سامنے اصل سوال یہ ہو گا کہ اب سے لے کر انتخابات تک کسطرح حکومت کو دباؤ میں رکھ کر اور اسکی توجہ ہٹاکر اسکی کارکردگی کے خراب ہونے کا تاثر مسلسل اجاگر کیا جائے . انکے لفافہ صحافی یہ کام بخوبی شروع کرچکے ہیں مگر اسکو مزید تیز کرنے کی ضرورت ہے ساتھ میں جسلے جلوس احتجاج دھرنے وغیرہ بھی جاری رکھنا ہیں . خان اپنے لحاظ سے بہت عمدہ پتے کھیل رہا ہے وہ اسٹبلشمنٹ کو بھی دباؤ میں رکھ رہا ہے اور اپنے ووٹرز سپورٹرز کو ابھی تک ماضی کی حکومتوں کی خراب کارکردگی اور کرپشن کی بتیوں کے پیچھے لگایا ہوا ہے ، اگلے ایک ڈیڑھ سال میں اگر معیشت میں کچھ بہتری آگئی تو پی ٹی آئ کی پروپیگنڈہ مشینری کسی بھی غبارے میں ہوا بھرنے کی بہت زیادہ صلاحیت کی حامل ہے مجھے جو ممکنہ منصوبہ متاثر کن لگتا ہے اور جسکو کم وقت میں پنجاب کی عوام تک پہنچایا جاسکتا ہے وہ ہے “صحت کارڈ”. اسکی بہت زیادہ تفصیلات تو میرے سامنے نہیں ہیں مگر بظاہر یہ ایک بہت عمدہ انتخابی کارڈ ثابت ہو سکتا ہے اگر اسکو اپنی روایتی نااہلی کے سپرد نہ کیا گیا .

آج کچھ لیگیوں کی پوسٹس دیکھ کر مجھے تو کراچی کے وہ دن یاد آرہے ہیں جب بھائی روز کہتے تھے میں لندن چھوڑ کر پاکستان واپس آرہا ہوں اور سارے کارکن کہتے تھے، نہیں بھائی …نہیں بھائی آپ وہیں رہو  

:hilar:

×
arrow_upward DanishGardi