ترسیلات زر اور معیشت پر پڑنے والےاسکے اثرات

Home Forums Hyde Park / گوشہ لفنگاں ترسیلات زر اور معیشت پر پڑنے والےاسکے اثرات ترسیلات زر اور معیشت پر پڑنے والےاسکے اثرات

#5
BlackSheep
Participant
Offline
  • Professional
  • Threads: 16
  • Posts: 2739
  • Total Posts: 2755
  • Join Date:
    11 Feb, 2017
  • Location: عالمِ غیب

Re: ترسیلات زر اور معیشت پر پڑنے والےاسکے اثرات

گھوسٹ صاحب۔۔۔۔۔

آپ کے معاشی مقالے یا آپ کے الفاظ میں آلو چاٹ میں کافی اجزاء جعلی ہیں۔۔۔۔۔ بلکہ اِس آلو چاٹ کا بنیادی جُز، یعنی آلو ہی دو نمبر ہے۔۔۔۔۔

سب سے پہلے تو یہ آپ نے اپنے مقالے کا بنیادی جوہر، جو کہ آپ کے مقالے کے عنوان سے ہی واضح ہوتا ہے، وہ آپ نے شاید غلط فرض کرلیا ہے، کہ بیرونِ مُلک رہنے والے جو زرِ مبادلہ بھیجتے ہیں وہ ملک کی پراپرٹی مارکیٹ میں انویسٹ ہورہا ہے جس کی وجہ سے پراپرٹی کی قیمتوں میں اِضافہ ہورہا ہے۔۔۔۔۔

میرے خیال میں یہ آپ نے غلط فرض کرلیا ہے۔۔۔۔۔ اور شاہد صاحب نے بھی آپ کی توجہ اِسی نکتے کی طرف دلائی ہے۔۔۔۔۔ کیونکہ اگر اعداد و شمار دیکھے جائیں تو یہ وجہ کافی بودی معلوم ہوتی ہے۔۔۔۔۔

بیرونِ ملک رہنے والے پاکستانیوں کی جانب سے بھیجا جانے والا زرِ مبادلہ کوئی بیس سے تئیس ارب ڈالر کے آس پاس ہوتا ہے۔۔۔۔۔

اب یہ ساری کی ساری رقم پراپرٹی مارکیٹ میں نہیں جارہی۔۔۔۔۔ اِس رقم کا اچھا خاصہ حصہ گھر والوں کے خرچوں پر جائے گا۔۔۔۔۔ اب اگر ہم انتہاء درجہ کی سخاوت کا مظاہرہ کرتے ہوئے یہ فرض کرلیں کہ اِس میں سے آدھی رقم، یعنی دس ارب ڈالر، پراپرٹی مارکیٹ میں جارہا ہے تو یہ کُل پراپرٹی مارکیٹ کا کتنے فیصد ہوگا۔۔۔۔۔

میرے خیال میں پاکستان کی رئیل اسٹیٹ کی ویلیو کوئی پانچ سو ارب سے آٹھ سو ارب ڈالر کے قریب تو ہوگی۔۔۔۔۔ رئیل اسٹیٹ کی مارکیٹ کیپیٹلائزیشن کا اندازہ آپ نئی ڈیفنس ہاؤسنگ سوسائیٹیز، بحریہ اسکیمز میں زمین کی قیمت سے بھی لگا سکتے ہیں۔۔۔۔۔ اور جنرل ہیڈ کوارٹر و آپبارہ کے پُر اَسرار و غازی بندوں کے بعد اب تو نیوی کے غوطہ خور و فضائیہ کے شاہین بھی اِس رئیل اسٹیٹ میں اپنی چونچ گیلی کرنے لگ پڑے ہیں۔۔۔۔۔

تو اب خود ذرا حساب لگالیں کہ باہر سے آنے والے کُل بیس بائیس ارب ڈالر بھی اِس رئیل اسٹیٹ مارکیٹ کا کتنے فیصد بنتا ہے۔۔۔۔۔ اونٹ میں بھی زیرہ۔۔۔۔۔

پس ثابت ہوا کہ آپ کی آلو چاٹ کا آلو ہی دو نمبر ہے۔۔۔۔۔

جیسا کہ شاہد صاحب نے بھی کہا کہ باہر سے آنے والے زرِ مبادلہ کے مقابلے میں بیسیوں گُنا زیادہ پیسہ پاکستان کے اندر سے ہی پیدا ہو کر اِس مارکیٹ میں جارہا ہے۔۔۔۔۔ اور میری نظر میں یہ ایک کافی خطرناک رجحان ہے۔۔۔۔۔

اور میرے خیال میں اِس ٹرینڈ کی وجوہات کچھ اور ہیں۔۔۔۔۔ جن پر موقع ملا تو لکھنے کی کوشش کروں گا۔۔۔۔۔

  • This reply was modified 3 weeks, 6 days ago by BlackSheep.

Navigation

DanishGardi