اپوزیشن اتنی با اھتماد کیوں نظر آ رہی ہے ؟

Home Forums Siasi Discussion اپوزیشن اتنی با اھتماد کیوں نظر آ رہی ہے ؟ اپوزیشن اتنی با اھتماد کیوں نظر آ رہی ہے ؟

#7
Awan
Participant
Offline
Thread Starter
  • Professional
  • Threads: 144
  • Posts: 2861
  • Total Posts: 3005
  • Join Date:
    10 Jun, 2017

Re: اپوزیشن اتنی با اھتماد کیوں نظر آ رہی ہے ؟

اعوان صاحب ، آپ کی تحریر کردہ پوسٹز ہمیشہ شوق سے پڑھتا ہوں ، میرے نزدیک موجودہ حکومت کی سب سے بڑی ناکامی عوامی ردعمل کا صحیح احساس نہ ہونا ہے ، عوام کو درپیش مشکلات کا رونا تو تقریبا ھر تقریر میں دیکھا جاسکتا ہے ، لیکن اس کےتدارک کے لیے مستحکم حکمت عملی کہیں دکھائ نہیں دیتی ۔یہ درست ہے کہ خوشحالی اور ترقی کے لیے ہماری معاشی پالیسز کے بنیادی نقائص کو دور کرنا اوراسکی سمت ٹھیک کرنا انتہائ ضروری ہے ( ان نقائص کے ذمہ داروں میں موجودہ حکومت کے پیشہ وارانہ لوٹوں کا بڑا ھاتھ رہا ہے جو اپنی ناہلی کی وجہ سے صرف ڈھائ سالوں ہی میں شرح نمود کو منفی اعداد میں لے آئے ہیں) ، لیکن اس بہتر سے بہتر بنانے کی بے ھنگم دوڑ میں عوام بنیادی ضروریات کی اشیاء کی آسمانوں سے چھوتی قیمتوں نے عوام کی چیخیں نکلوادی ہیں ۔ اور اس پر بے حسی کا عالم یہ ہے کہ چند مسخرے ہر صبح نیشنل ٹی وی پر آکر اپنے مزاح پن سے بھوکی قوم کو لطیفے سناتے ہیں ۔

عمران کی دماغی حالت کا اندازہ اس بات سے لگا لیں کہ ایک نہایت بدتمیز ، جاھل اور بے ربط خاتون فردوس اعوان کو ایک دفعہ مرکز سے نکالنے کے بعد پنجاب میں تعینات کردیا ہے جو سارا دن سوائے بھونڈی چغد بازی کے اور کچھ کرنا نہیں جانتی ۔ یہ ایک ایسے شخص نے کیا ہے جو آکسفورڈ کا تعلیم یافتہ ہے اور پاکستان کو ریاست مدینہ بنانے کا دعوہ کرتا ہے ۔

باقی اپوزیشن بھی اگر واقعی کچھ شعور ، علم اور بصیرت رکھتی تو اس موڑ پر تاریخ ساز فیصلے کرتی اور عوام کے مسائل پر ، ایک حقیقی ، علمی اور جامع پروگرام وضع کرکے بتاتی کہ کسطرح ان کے مسائل کو حل کیا جاسکتا ہے اور ان کی پالیسیز کسطرح اس ملک میں نہ صرف ایک حقیقی تبدیلی لا سکتی ہیں بلکہ اس ملک کو قانونی اور آئینی راستے پر واپس لا سکتی ہیں ۔ صرف منہ سے ، تقریروں کے ذریعے بڑھکیں مارنے کا وقت گزر چکا ہے ۔

ان کی لا پرواہی اور لاعلمی کا اندازہ اس بات سے لگایا جاسکتا ہے کہ جہانزیب نے اپنے پروگرام میں بڑی محنت کے ساتھ ، اعداد و شمار اور فیکٹز کی روشنی میں ثابت کیا کہ کس طرح انرجی کنٹریکٹز میں جان بوجھ کر کوتاہی برتی گئ اور وقت پر معائدے نہ کرکے ، نہ صرف ملک کو اربوں کا نقصان پہنچایا گیا بلکہ پیٹرولیم کے کاروبار میں ملوث اپنے دوستوں کو فائدہ پہنچایا گیا ۔ یہ کام جہانزیب کا نہیں بلکہ اپوزیشن کی جماعتوں کا تھا ۔ اب یہ جہانزیب کے حقائق لیکر جگہ جگہ شور مچارہے ہیں جنکو بے نقاب کرنے میں انکا خود کا کردار صفر ہے ۔

اب ایسی شکستہ کشتی پر ، ساحل کی تمنا کون کرے ۔

زیدی صاحب میری پوسٹوں میں دلچسبی لینے کا بہت شکریہ – خان کے کیس میں دو باتیں بہت اہم ہیں پہلی ہے مردم شناسی ، خان میں مردم شناسی نام کی کوئی چیز نہیں ہے ورنہ بزدار اور فردوس عاشق اعوان جیسے لوگوں کو اہم عہدے نہ دیتا – رونالڈ ریگن کی بات یاد آ رہی ہے – کہا جاتا ہے رونالڈ ریگن اداکاری سے سیاست میں آیا اور خوش قسمتی سے سیڑھیاں چڑھتا ہوا امریکی صدر بن گیا – جب وہ صدر بنا تو اسے احساس ہوا کہ اس میں صدر جیسی قابلیت نہیں ہے لیکن اس میں ایک خوبی یہ تھی کہ وہ مردم شناس تھا – پورے ملک سے ٹاپ کے لوگ لے کر اس نے اپنی ٹیم بنائی – روس کے ٹکرے کرنے میں کلیدی کردار اس کا بھی تھا اور اس کے علاوہ بھی اسے امریکہ کے بہترین صدور میں شامل کرتے ہوئے عزت کی نگاہ سے دیکھا جاتا ہے –
دوسری بات خان کی پارٹی ایک پارٹی نہیں بھانت بھانت کا کنبہ ہے جس میں ایک سے ایک عجیب و غریب کردار پایا جاتا ہے – اس سے برعکس نون لیگ تیس چالیس سال میں ایک میچور پارٹی بن چکی ہے – اگر آپ نواز کی پچھلی کابینہ دیکھیں تو آپ کو زیادہ تر وزارتوں پر قابل اور تجربے کار لوگ ملیں گے – دو بار کا تجربہ رکھنے والا وزیر اعظم نواز خود – دو ہی بار کی پنجاب کی وزارت اعلی والا شہباز شریف پنجاب کا وزیر عالی – اس وقت کی بہت اہم وزارت ، وزارت داخلہ پر چودھری نثار ، وزیر خزانہ پر تجربے کار اسحٰق ڈار ، وزیر پٹرولیم شاہد خاقان عباسی ، وزیر ریلوے سعد رفیق ، وزیر اطلاحات پرویز رشید اور وزیر دفاع خواجہ آصف ( نواز کی نا اھلی سے پہلے کی کابینہ ) یہی کابینہ اور ٹیم آج ہوتی جب نہ امن و امان کا مسلہ ہے نہ لوڈ شیڈنگ کا تو میں سمجھتا ہوں حالات آج سے کہیں بہتر ہوتے – بھرحال میرے تھریڈ کے موضوع کے اعتبار سے آپ نے میری دو تھیوریز پر کوممنٹ نہیں کیا مجھے اس کا انتظار رہے گا –

Navigation

Do NOT follow this link or you will be banned from the site!