آپ اپنا چندہ واپس لے سکتے ہیں

Home Forums Suggestions & Support آپ اپنا چندہ واپس لے سکتے ہیں آپ اپنا چندہ واپس لے سکتے ہیں

#57
Atif Qazi
Participant
Offline
  • Expert
  • Threads: 162
  • Posts: 7720
  • Total Posts: 7882
  • Join Date:
    15 Aug, 2016

Re: آپ اپنا چندہ واپس لے سکتے ہیں

عاطف بھائی مجھے تو یہ سمجھ نہیں آئی ہے کہ ایک معمولی اعتجاج پر یہ ہنگامہ کیوں کھڑا کیا گیا ہے؟ کیا منہ چھپا کر اور دو نمبر آئی ڈی بنا کر آنے والے کسی شخص کے قائد اعظم اور علامہ اقبال کو گالی دینے اور اسلام کے خلاف دن میں دس دس تھریڈ کھولنے پر اعتجاج اتنا بڑا جرم تھا کہ پورے فورم کی انتظامیہ نے اسے عزت کا مسئلہ بنا لیا ہے؟ ایک سادہ سا سوال موڈریٹرز سے پوچھا جا رہا تھا کہ قومی اور اسلامی رہنماؤں کے متعلق توہین آمیز کومنٹس کے بارے میں فورم کی پالیسی کیا ہے؟ اس کا جواب دینا کیا مشکل تھا؟ ایک سیدھا جواب دے کر معاملہ ختم کیا جا سکتا تھا کہ قومی اور اسلامی رہنماؤں تنقید کرنے کی مکمل آزادی ہے لیکن توہین سے گریز کیا جائے. موڈریٹرز اس سوال کا جواب دینے کی بجائے ان لوگوں کے ترجمان بنے ہوئے تھے جو توہین آمیز کومنٹس لکھ رہے تھے آپ نے بھی اس معاملے کو دوستوں کے ساتھ ڈسکس کرکے ختم کرنے کی بجائے باقائدہ تھریڈ کھول کر انہیں تنقید کا نشانہ بنانا مناسب سمجھا. مجھے اس پر کوئی اعتراض نہیں ہے کہ آپ نے دوستوں کو اس طرح تنقید کا نشانہ بنایا. دوستوں پر تنقید کا آپ کو پورا حق ہے لیکن مجھے افسوس اس بات کا ضرور ہے کہ آپ نے بھی اپنے موڈریٹرز کی طرح اس شخص کے بارے میں ایک لفظ تک لکھنا گوارہ نہ کیا جس نے ایک پاکستانی فورم پر قائد اعظم اور علامہ اقبال کو گالی دی. اگر قائد اعظم اور علامہ اقبال کو پیغمبر کا درجہ حاصل نہیں ہے تو کیا کسی کو انہیں گالیاں دینے کا لائسنس مل گیا ہے؟ یہ آپکا فورم ہے اور آپ یہاں جس قسم کی بھی پالیسی نافذ کرنا چاہتے ہیں یا جس طرح کے بھی نظریات کے پرچار کی اجازت دینا چاہتے ہیں وہ آپکی صوابدید ہے. مجھے یا کسی اور فورم ممبر کو فورم کی پالیسی کے بارے میں تنقید کا کوئی حق نہیں ہے لیکن قومی رہنماؤں کو گالی دینے پر اعتجاج کا حق تو ہے ہماری دوستی ان فورم کے معاملات سے بالاتر ہے. ہم اسوقت سے دوست ہیں جب اس فورم کا وجود تک نہ تھا اور یہ دوستی ہمیشہ قائم رہے گی. آپکی دعوت پر یہاں آنے سے پہلے آپ کو بتا دیا تھا کہ ہم وہ مہمان ہیں جو میزبان کے دعوت دینے سے آتے ضرور ہیں لیکن میزبان کی مرضی سے جاتے نہیں ہیں. ہم میزبان کے گھر کو اپنا ہی گھر سمجھتے ہیں بیشک میزبان اسے اپنا گھر سمجھنا چھوڑ دے اور غصے میں گھر کی چابیاں ہمارے پاوں میں پھینک کر خود اپنا گھر چھوڑ کر چل دے. اس بات کو بھول جائیں کہ ہم یہاں سے چلے جائیں گے. امید ہے آپ بھی چابیاں پاوں میں پھینک کر گھر چھوڑ کر نہیں جائیں گے Atif Qazi

عزیزم باوا بھائی

میں نے سابقہ تھریڈ یا پھر یہ تھریڈ  ہرگز ہرگز خصوصی طور پر آپ کیلئے نہیں بنایا بلکہ ایک جنرل مسلے کو اجاگر کرنے کیلئے بنایا ۔ اگر صرف آپ سے کوئی شکائیت ہوتی تو یقینا” آپ سے ذاتی طور پر گفتگو کرتا۔

بہرحال آپ کے چند تحفظات ہیں جو میں دور کرنا اشد ضروری سمجھتا ہوں۔

آپکو ایک شکائیت ہے کہ دونوں تھریڈز میں قائد اعظم یا علامہ اقبال کو لعنت ملامت کرنے والے ممبر کیلئے میں نے کچھ نہیں لکھا۔ میری وضاحت یہ ہے کہ اس ممبر کو اسی روز سزا کے طور پر دو روز کیلئے بین کردیا گیا تھا تو اب اسے اور کیا سزا دی جائے؟؟ اس معاملے میں آپ سے رہنمائی درکار ہے کہ کیا اسے مستقل بین کردیا جائے؟؟

دوسرا گِلہ آپ کا یہ ہے کہ انتظامیہ نے وضاحت کیوں نہیں دی؟؟ سابقہ تجربات کو دیکھتے ہوئے اب فیصلہ کیا گیا تھا کہ ممبرز سے کسی قسم کی غیرضروری گفتگو سے گریز کیا جائے۔ ایک طرف آپ تمام دوستوں کی خواہش ہے کہ ماڈریٹرز کے فیصلے بولنے چاہییں اس کی بحث نہیں لیکن ساتھ ہی آپ ماڈریٹرز سے چاہتے ہیں کہ وہ آپ کے سوالوں کے جواب بھی دے۔ یہ کیسے ممکن ہے؟؟

تیسری بات یہاں یہ اہم ہے کہ احتجاج آپ کا حق ہے جس سے کسی ماڈریٹر کو انکار نہیں لیکن جب دیگر ممبران انتظامیہ پر ملحد ہونے یا ملحدین کا ساتھ دینے کا الزام لگائیں تو صورتحال سنگین ہوجاتی ہے۔ یہاں پاکستان میں یہ صرف احتجاج نہیں رہتا بلکہ توہین یا گستاخی کی ایک باقاعدہ مہم ہوتی ہے جو کسی نہ کسی کی جان لے کر ٹلتی ہے۔ مجھ سمیت آپ کے بھی زیادہ تر کمنٹ فوجی بالادستی اور سیاست میں فوج کے ناجائز طور پر دخل اندازی کے خلاف ہوتے ہیں اور آپ اچھی طرح جانتے ہیں کہ فوج اپنے مخالفین کو توہین فوج نہیں بلکہ توہین مذہب کا الزام لگوا کر مرواتی ہے۔ میرا آپ سے یہ گلہ ہے کہ یہ سب جانتے ہوئے بھی آپ اتنے حساس مسلے میں ایسی لاپرواہی کا مظاہرہ کیسے کرسکتے ہیں؟؟ میں تو آج تک آپ سے یہ امید رکھتا آیا ہوں کہ آپ لوگ مجھ پر ایسے کئے گئے ہر وار کے سامنے ڈھال بن کر کھڑے ہوں گے تو یہ انہونی کیوں؟؟

چوتھی بات یہ کہ مومن جیسے شرپسند جو یہاں توہین کی مہم کے سربراہ بن کر یہاں کے سکرین شاٹ اپنے فورم پر لگا کر دانش گردی کو ایک گستاخ فورم مشہور کررہے تھے، ان جیسے منافقوں کے اکابرین آج تک قائد اعظم کو کافرِ اعظم پکارتے ہیں اور ان کو لعنتیں بھیجتے ہیں۔ مجھ سے زیادہ آپ کی ان معاملات پر نظر ہے تو پھر آپ انہی الفاظ پر اتنا ردعمل کیوں دے رہے ہیں جو پاکستان میں تمام مذہبی طبقے کی روز مرہ کی بول چال کا حصہ ہیں؟؟

آخر میں ، میں یہ کہنا چاہتا ہوں کہ آپ اور میں کبھی بھی آوازوں کا گلہ گھونٹنے کے قائل نہیں رہے تو پھر پچھلے چند روز کی صورتحال میں میری جگہ آپ ہوں تو کیا کریں گے؟؟ کیا ان سیف کو مستقل بین کردیں گے؟؟ مجھے آپ کے جواب کا انتظار رہے گا۔

رہی آپ کے مہمان بن کر آنے کی اور اونٹ کی طرح خیمے پر قبضہ کرنے والی بات تو اب آپ سے دوستی بھی تقریبا” ایک دہائی پرانی ہوچکی ہے اب یہ ڈھول گلے میں پڑا ہے تو بجانا تو پڑے گا ہی۔ نہ جانا آپ نے ہے نہ چابیاں میں پھینکوں گا اسلئے دونوں کو ایک دوسرے کو برداشت کرنا پڑے گا۔

آپ کی یہ بات بالکل سو فیصد درست ہے کہ میری آپکی دوستی اس فورم سے بہت بالاتر ہے اور انشاللہ کبھی یہ رشتہ کمزور نہیں ہو گا۔

سلامت رہیں۔

Navigation

Do NOT follow this link or you will be banned from the site!