آپ اپنا چندہ واپس لے سکتے ہیں

Home Forums Suggestions & Support آپ اپنا چندہ واپس لے سکتے ہیں آپ اپنا چندہ واپس لے سکتے ہیں

#30
Zinda Rood
Participant
Offline
  • Professional
  • Threads: 22
  • Posts: 2485
  • Total Posts: 2507
  • Join Date:
    3 Apr, 2018
  • Location: NorthPole

Re: آپ اپنا چندہ واپس لے سکتے ہیں

قدیم فلسفی حضرت سنیکا کا فرمان ہے

Religion is regarded by the common people as true, by the wise as false, and by the rulers as useful.

پرانے زمانوں میں تو صرف مقتدر طبقہ مذہب کو اپنے مقاصد کے حصول کیلئے استعمال کرتا تھا، پر اب عام لوگوں نے بھی اس کو ایک “کارآمد” ٹول کے طور  پر استعمال کرنا شروع کردیا ہے۔ ایک باشرع، پابندِصوم صلوٰۃ شخص اگر مذہب کی دہائیاں دے تو جواز بھی ہے، مگر وہ لوگ کیسے اسلام کے ٹھیکیدار قرار پاسکتے ہیں جن کی زندگی پر عملاً اسلام کی پرچھائی نظر نہیں آتی، پیسے کی خاطر انہوں نے ایمان کو پسِ پشت ڈال کر کافر معاشروں کو رہنے کیلئے چن رکھا ہے، وہاں کی کافرانہ تہذیب سے بھرپور مستفید ہوتے ہیں، وہاں کی غیر اسلامی زندگی انہیں رتی بھر دق نہیں کرتی، وہاں کوئی شخص قرآن جلاتا ہے، ان کی مقدس شخصیات کے کارٹون بناتا ہے تو یہ چُوں تک نہیں کرتے۔ مگر جیسے ہی پاکستانی فورم پر آتے ہیں تو ان کے اندر کا خادم رضوی اور ممتاز قادری بیدار  ہوجاتا ہے۔ فورمی لڑائی کے دوران جب زچ ہوجاتے ہیں تو پھر چاہتے ہیں کہ مخالف پر توہینِ مذہب یا گستاخی کا الزام لگا کر اس کے منہ بند کردیا جائے،  فورم انتظامیہ جب انکی بلاسفیمی کیمپین کو خاطر میں نہیں لاتی تو اسی بلاسفیمی کیمپین کا رخ فورم اور فورم انتظامیہ کی طرف موڑ دیا جاتا ہے اور یہ تاثر پیدا کرنے کی کوشش کی جاتی ہے جیسے کہ اس فورم پر نہ جانے اسلام کے خلاف کونسا مشن جاری ہے۔ حالانکہ مجھ سمیت جو دیگر مٹھی بھر ملحدین ہیں وہ اسلام کے متعلق محتاط انداز میں گفتگو کرتے ہیں اور اسلامی شخصیات کیلئے وہی القابات استعمال کرتے ہیں جو مسلمان کرتے ہیں اور اس بات سے بخوبی آگاہ ہیں کہ یہ فورم پاکستان سے آپریٹ کیا جارہا ہے اور ایک خاص حد کراس کرنے سے کیسے مسائل پیدا ہوسکتے ہیں۔ جو لوگ ہر وقت اسلام کی ٹھیکیداری کا علم بلند کئے رہتے ہیں، ان سے گزارش ہے کہ پہلے اپنی زندگیوں پر اسلام نافذ کرلیں، وہ معاشرے جو سراسر اسلام کے خلاف ہیں، ان کو ایمان کے تحفظ کی خاطر مسترد کریں، اور واپس اس معاشرے میں چلے جائیں جہاں آپ جیسے ہی لوگ بھرے پڑے ہیں، وہاں آپ کا اسلام پوری طرح محفوظ ہے۔ آپ کے ایک ہاتھ میں اسلام کا پرچم ہے اور دوسرے ہاتھ میں کافروں کے دیئے ہوئے ڈالرز اور پاؤنڈز، یہ تو سراسر منافقت، دو نمبری اور دوغلا پن ہے۔  

  • This reply was modified 4 months, 3 weeks ago by Zinda Rood.

Navigation

Do NOT follow this link or you will be banned from the site!